Publish Date: Wed, 17 Feb 2021 (12:43 IST)
Updated Date: Wed, 17 Feb 2021 (12:47 IST)
ഓസ്ട്രേലിയക്കും ഇംഗ്ലണ്ടിനുമെതിരായ ടെസ്റ്റ് പരമ്പരയിലെ മിന്നും ഫോമിനെ തുടർന്ന് റിഷഭ് പന്ത് വൈറ്റ് ബോൾ ക്രിക്കറ്റിലേക്ക് മടങ്ങിയെത്തുന്നു. ഗാബ ടെസ്റ്റിൽ വിജയശിൽപിയായതും കീപ്പിങ്ങിലും മികവ് പ്രകടിപ്പിച്ചതുമാണ് പന്തിന് തുണയായത്. പന്തിന്റെ മികച്ച ഫോം സഞ്ജു സാംസണിന്റെ തിരിച്ചുവരവിന് വെല്ലുവിളിയാകും.
അതേസമയം റിഷഭ് പന്ത് ടീമിൽ മടങ്ങിയെത്തിയാലും കെഎൽ രാഹുൽ കീപ്പറായി തുടരുമോ എന്ന കാര്യം വ്യക്തമല്ല. സെയ്ദ് മുഷ്താഖ് അലി ടൂർണമെന്റിലും സഞ്ജുവിന് ബാറ്റ്സ്മാൻ എന്ന നിലയിൽ തിളങ്ങാനായിരുന്നില്ല. അതേസമയം ഐപിഎല്ലിൽ മികച്ച പ്രകടനം കാഴ്ച്ചവെച്ച സൂര്യകുമാർ യാദവും ഇംഗ്ലണ്ടിനെതിരായ ടി20 ടീമിൽ ഇടം പിടിച്ചേക്കും എന്ന് റിപ്പോർട്ടുകളുണ്ട്. അങ്ങനെയെങ്കിൽ സഞ്ജു ടീമിൽ ഉൾപ്പെട്ടാലും ആദ്യ ഇലവനിൽ കളിക്കുവാനുള്ള സാധ്യത കുറവാണ്.
