T 20 World Cup, Semi Final Match: ട്വന്റി 20 ലോകകപ്പ് സെമി ഫൈനല്‍ മത്സരങ്ങള്‍ എപ്പോള്‍? അറിയേണ്ടതെല്ലാം
ന്യൂസിലന്‍ഡും പാക്കിസ്ഥാനുമാണ് ആദ്യ സെമിയില്‍ ഏറ്റുമുട്ടുക
T 20 World Cup, Semi Final Match: ട്വന്റി 20 ലോകകപ്പില്‍ ഇനി ശേഷിക്കുന്നത് മൂന്ന് മത്സരങ്ങള്‍. രണ്ട് സെമി ഫൈനലുകളും ഒരു ഫൈനലും. രണ്ട് ജയത്തിന് അപ്പുറം ഒരു ടീം കിരീടം നേടും. ന്യൂസിലന്‍ഡ്, ഇന്ത്യ, ഇംഗ്ലണ്ട്, പാക്കിസ്ഥാന്‍ എന്നീ ടീമുകളാണ് സെമി ഫൈനലിലേക്ക് പ്രവേശനം നേടിയിരിക്കുന്നത്.
ന്യൂസിലന്‍ഡും പാക്കിസ്ഥാനുമാണ് ആദ്യ സെമിയില്‍ ഏറ്റുമുട്ടുക. നവംബര് 9 ബുധനാഴ്ച ഇന്ത്യന്‍ സമയം ഉച്ചയ്ക്ക് 1.30 മുതലാണ് മത്സരം. സിഡ്‌നി ക്രിക്കറ്റ് ഗ്രൗണ്ടിലാണ് മത്സരം നടക്കുക.
നവംബര് 10 വ്യാഴാഴ്ചയാണ് രണ്ടാം സെമി ഫൈനല്‍. ഇന്ത്യയും ഇംഗ്ലണ്ടും ഏറ്റുമുട്ടും. അഡ് ലെയ്ഡ് ഓവലില്‍ ഇന്ത്യന്‍ സമയം ഉച്ചയ്ക്ക് 1.30 മുതല്‍ മത്സരം ആരംഭിക്കും.
സെമി ഫൈനലില്‍ ജയിക്കുന്ന ടീമുകള്‍ കലാശ പോരാട്ടത്തില്‍ നവംബര് 13 ഞായറാഴ്ച മെല്‍ബണ്‍ ക്രിക്കറ്റ് ഗ്രൗണ്ടില്‍ ഏറ്റുമുട്ടും. ഉച്ചയ്ക്ക് 1.30 ന് തന്നെയാണ് ഫൈനല്‍ ആരംഭിക്കുക.
