Virat Kohli: 'ക്രിക്കറ്റാണ് മതം'; ഷമിയുടെ ഉമ്മയുടെ അനുഗ്രഹം വാങ്ങി കോലി (Video)

ചാംപ്യന്‍സ് ട്രോഫി ഏറ്റുവാങ്ങിയ ശേഷം ഉമ്മയെയും സഹോദരിയെയും കോലിയെ പരിചയപ്പെടുത്താന്‍ കൊണ്ടുപോകുകയായിരുന്നു ഷമി

Virat Kohli with Shami's mother

Virat Kohli: ചാംപ്യന്‍സ് ട്രോഫി കിരീടധാരണത്തിനു പിന്നാലെ സഹതാരം മുഹമ്മദ് ഷമിയുടെ ഉമ്മയുടെ അനുഗ്രഹം വാങ്ങി വിരാട് കോലി. ദുബായ് രാജ്യാന്തര ക്രിക്കറ്റ് സ്റ്റേഡിയത്തില്‍ വെച്ചാണ് വിരാട് കോലി എല്ലാ ക്രിക്കറ്റ് ആരാധകരുടെയും മനം കവര്‍ന്നത്. ചാംപ്യന്‍സ് ട്രോഫി ഫൈനല്‍ കാണാന്‍ ഷമിയുടെ ഉമ്മയും സഹോദരങ്ങളും ദുബായില്‍ എത്തിയിരുന്നു. 

ചാംപ്യന്‍സ് ട്രോഫി ഏറ്റുവാങ്ങിയ ശേഷം ഉമ്മയെയും സഹോദരിയെയും കോലിയെ പരിചയപ്പെടുത്താന്‍ കൊണ്ടുപോകുകയായിരുന്നു ഷമി. സഹതാരത്തിന്റെ കുടുംബത്തെ കണ്ടപ്പോള്‍ കോലിയും ഹാപ്പിയായി. ഉടന്‍ തന്നെ ഷമിയുടെ ഉമ്മയുടെ കാലുകള്‍ തൊട്ട് കോലി അനുഗ്രഹം വാങ്ങി. അതിനുശേഷം ഷമിയുടെ കുടുംബത്തിനൊപ്പം കോലി ഫോട്ടോ എടുക്കുകയും ചെയ്തു.