മൊബൈലില്‍ സംസാരിക്കാന്‍ അനുവദിച്ചില്ല; ഭ​ർ​ത്താ​വി​നെ ഭാ​ര്യ തീ​കൊ​ളു​ത്തി​ക്കൊ​ന്നു

മൊബൈല്‍ ഫോണ്‍ ഉപയോഗിക്കാന്‍ സമ്മതിക്കാത്തതിന്റെ ദേഷ്യത്തില്‍ ഭ​ർ​ത്താ​വി​നെ ഭാ​ര്യ മ​ണ്ണെ​ണ്ണ​യൊ​ഴി​ച്ച് ക​ത്തി​ച്ചു. ഗുരുതരമായി പൊള്ളലേറ്റ നാ​ൻ​കെ (35) എന്ന യുവാവ് ചികിത്സയ്‌ക്കിടെ മ​ര​ണ​ത്തി​നു കീ​ഴ​ട​ങ്ങി.

ഇയാളുടെ ഭാര്യ പൂ​ജ​യെ പൊ​ലീ​സ് അ​റ​സ്റ്റ് ചെ​യ്തു.

ഉ​ത്ത​ർ​പ്ര​ദേ​ശി​ലെ ബാ​ല​രാം​പു​ർ ജി​ല്ല‍​യി​ൽ ക​ഴി​ഞ്ഞ ബു​ധ​നാ​ഴ്ച​യാ​യി​രു​ന്നു സംഭവം. മൊബൈല്‍ ഫോണില്‍ സംസാരിക്കുന്നത് തുടര്‍ച്ചയായതോടെ ഫോണ്‍ ഇനി ഉപയോഗിക്കരുതെന്ന് പൂജയോട് നാന്‍‌കെ പറഞ്ഞു. ഇക്കാര്യം പറഞ്ഞ് ഇരുവരും തമ്മില്‍ തര്‍ക്കമുണ്ടാകുകയും ചെയ്‌തു.

ഭര്‍ത്താവിന്റെ തീരുമാനത്തില്‍ അമര്‍ഷത്തിലായിരുന്ന പൂജ ബു​ധ​നാ​ഴ്ച രാ​ത്രി ഭ​ക്ഷ​ണം ക​ഴി​ച്ച് ഉ​റ​ങ്ങാ​ൻ കി​ട​ന്ന നാ​ൻ​കെ​യു​ടെ ശ​രീ​ര​ത്തി​ൽ മ​ണ്ണെ​ണ്ണ ഒഴിച്ച് തീ കൊളുത്തുകയായിരുന്നു.

നാന്‍‌കെയുടെ നിലവിളി കേട്ട് എത്തിയ സമീപവാസികളും ബന്ധുക്കളുമാണ് തീ അണച്ച ശേഷം ഇയാളെ ആശുപത്രിയില്‍ എത്തിച്ചെങ്കിലും പൊള്ളല്‍ ഗുരുതരമായിരുന്നു. കൂടുതല്‍ ചികിത്സയ്‌ക്കായുള്ള ശ്രമം നടത്തുന്നതിനിടെയാണ് ചെവ്വാഴ്‌ച നാന്‍‌കെ മരിച്ചത്.