Select Your Language

Notifications

webdunia
webdunia
webdunia
webdunia

'ഐശ്വര്യ വീട്ടിലിരുന്ന് മകളെ നോക്കുന്നു, ഞാൻ പുറത്തിറങ്ങി സിനിമ ചെയ്യുന്നു': ഭാര്യയോട് നന്ദി പറഞ്ഞ് അഭിഷേക് ബച്ചൻ

Abhishek Bachchan says he's ‘immensely thankful’ to Aishwarya Rai

നിഹാരിക കെ എസ്

, തിങ്കള്‍, 25 നവം‌ബര്‍ 2024 (14:56 IST)
ഐശ്വര്യ റായ്-അഭിഷേക് ബച്ചൻ വിവാഹമോചന വാർത്തകൾക്കിടെ ആരാധകരെ അമ്പരപ്പിച്ച് അഭിഷേക് ബച്ചൻ. ഐശ്വര്യയോട് നന്ദി പറഞ്ഞ് രംഗത്തെത്തിയിരിക്കുകയാണ് അഭിഷേക് ബച്ചന്‍. ഐശ്വര്യ വീട്ടിലിരുന്ന് മകളെ നോക്കുന്നതു കൊണ്ടാണ് തനിക്ക് പുറത്തിറങ്ങി സിനിമ ചെയ്യാന്‍ പറ്റുന്നത് എന്നാണ് അഭിഷേക് പറയുന്നത്. 
 
'എന്റെ വീട്ടില്‍ എനിക്ക് പുറത്തിറങ്ങി സിനിമ ചെയ്യാനുള്ള ഭാഗ്യമുണ്ട്. പക്ഷേ ഐശ്വര്യ വീട്ടില്‍ ആരാധ്യയെ നോക്കി ഇരിക്കുകയാണ്. അതില്‍ എനിക്ക് ഐശ്വര്യയോട് അതിയായ നന്ദിയുണ്ട്. എന്നാല്‍ കുട്ടികള്‍ നമ്മളെ അങ്ങനെയായിരിക്കില്ല കാണുക എന്നാണ് ഞാന്‍ കരുന്നത്. അവര്‍ നമ്മളെ മൂന്നാമത് ഒരാളായല്ല കാണുന്നത്. നമ്മളെ കാണുന്നത് ആദ്യത്തെ വ്യക്തിയായാണ്. 
 
ഞാന്‍ ജനിച്ചതിന് ശേഷം അമ്മ സിനിമ ഉപേക്ഷിച്ചു. ഞങ്ങള്‍ക്കൊപ്പം സമയം ചിലവഴിക്കാന്‍ വേണ്ടിയായിരുന്നു അത്. അച്ഛന്‍ എപ്പോഴും കൂടെ ഇല്ലാത്തതിന്റെ ബുദ്ധിമുട്ട് ഞങ്ങള്‍ അറിഞ്ഞിട്ടേ ഇല്ല. തൊട്ടടുത്ത മുറിയില്‍ ഉറങ്ങുന്ന അച്ഛനെ ആഴ്ചകളോളം ഞങ്ങള്‍ കാണാറില്ല. ഞങ്ങള്‍ ഉറങ്ങിയതിനു ശേഷമാകും അദ്ദേഹം വീട്ടില്‍ എത്തുക. ഞങ്ങള്‍ എഴുന്നേല്‍ക്കുമ്പോഴേക്കും അദ്ദേഹം പോയിരിക്കും. തിരക്കിനിടയിലും ഞങ്ങള്‍ക്കായി സമയം നീക്കിവെക്കാന്‍ അദ്ദേഹം ശ്രദ്ധിച്ചിരുന്നു', അഭിഷേക് പറയുന്നു.
 
അതേസമയം, വിവാഹമോചന വാർത്തയിൽ ഇരുവരും ഇതുവരെ ഔദ്യോഗിക പ്രസ്താവനകള്‍ ഒന്നും നടത്തിയിട്ടില്ല. അഭിഷേക് നടി നിമ്രത് കൗറുമായി പ്രണയത്തിലാണെന്ന വാര്‍ത്തകളും എത്തിയിരുന്നു. ഇതിലൊന്നും യാതൊരു സ്ഥിരീകരണവും ഉണ്ടായിട്ടില്ല.

Share this Story:

Follow Webdunia malayalam

അടുത്ത ലേഖനം

27 ലക്ഷത്തിന്റെ ബൈക്ക്, വിലകൂടിയ വാച്ചുകൾ; നാഗ ചൈതന്യയ്ക്ക് വേണ്ടി വെറുതെ പണം പാഴാക്കിയെന്ന് സാമന്ത