പ്രിയദർശനും ലിസിയും തമ്മിലുള്ള വിവാഹ മോചനം വാർത്തകളിൽ നിറഞ്ഞുനിന്നതാണ്. എന്നാൽ തന്റെ വിവാഹ മോചനത്തെക്കുറിച്ച് പുതിയ വെളിപ്പെടുത്തലുമായി രംഗത്ത് വന്നിരിക്കുകയാണ് ലിസി.
താൻ വിവാഹ ബന്ധം വേർപ്പെടുത്തിയിരുന്നില്ലെങ്കിൽ തന്റെ മകൾക്ക് മുൻപിൽ തെറ്റായ ഒരു മാതൃകയായി അവളുടെ അമ്മ മാറുമായിരുന്നു എന്നാണ് ഒരു അഭിമുഖത്തിൽ ലിസി പറഞ്ഞത്. എല്ലാം സഹിച്ചു ജീവിക്കുന്നവരാണ് ഭാര്യ എന്ന് ഒരിക്കലും തന്റെ മകൾ ചിന്തിച്ചുകൂട.
വിവാഹത്തിനു വേണ്ടി കുടുംബമുൾപ്പടെ എല്ലാം ഉപേക്ഷിച്ചവളാണ് താൻ. അന്നത് വളരെ എളുപ്പമായിരുന്നു. പക്ഷേ പിന്നീട് തിരിചു പോകാൻ ആഗ്രഹം തോന്നിയെങ്കിലും ഒന്നുമറിയാത്ത പ്രായത്തിൽ കുട്ടികളെ ഉപേക്ഷിച്ചു പോകൻ കഴിഞ്ഞില്ല. എന്നാൽ ഇന്ന് അവർ വളർന്നു കഴിഞ്ഞു. കാര്യങ്ങൾ മനസ്സിലാക്കാനുള്ള കഴിവ് ഇന്നവർക്കുണ്ട്. അച്ഛനും അമ്മയും പിരിഞ്ഞത് ഇപ്പോൾ അവരുടെ ജീവിതത്തെ ബധിക്കില്ലെന്നും അവർ പറയുന്നു.
വിവാഹത്തിനു വേണ്ടി താൻ മതം വരെ മാറിയിട്ടുണ്ട്. ഇപ്പോൾ തിരിഞ്ഞു നോക്കുമ്പോൾ അതൊന്നും വേണ്ടിയിരുന്നില്ല എന്ന് തോന്നുന്നുണ്ട്. എന്തിനു വേണ്ടിയാണെങ്കിലും ഇഷ്ടപ്പെടുന്ന ജോലി ഉപേക്ഷിക്കരുത് എന്നും ലിസി പറയുന്നു. തന്റെ പേരിനു പിന്നിലെ പ്രിയദർശൻ ഒഴിവാക്കി ലിസി ലക്ഷ്മി എന്ന് മാറ്റം വരുത്തിയിട്ടുണ്ട് താരം. ഇനി സിനിമയിൽ സജീവമാകാനാണ് ലിസിയുടെ തീരുമാനം.
