രേഷ്മയുടെ കണ്ണിൽ മുളക് തേച്ച് രജിത് കുമാർ, സസ്പെൻഷൻ; കട്ട സപ്പോർട്ടുമായി ആദിത്യൻ ജയൻ!

ബിഗ് ബോസിൽ അപ്രതീക്ഷിത ട്വിസ്റ്റാണ് കഴിഞ്ഞ ദിവസം നടന്നത്. ഒരു ടാസ്കിനിടെ രജിത് കുമാർ രേഷ്മയുടെ കണ്ണിൽ മുളക് തേയ്ക്കുകയും രേഷ്മയെ വിദഗ്ധ ചികിത്സയ്ക്കായി ആശുപത്രിയിലേക്ക് കൊണ്ടുപോവുകയും ക്രൂരപ്രവൃത്തി ചെയ്ത രജിത് കുമാറിനെ താൽക്കാലികമായി ഹൌസിൽ നിന്നും പുറത്താക്കുകയും ചെയ്തു ബിഗ് ബോസ്.

ഇപ്പോൾ സോഷ്യൽ മീഡിയയിലെ സംസാരവിഷയം ഇതുതന്നെയാണ്. രജിതിന്റെ ഈ പ്രവൃത്തി ബിഗ് ബോസ് പ്രേക്ഷകരെയും രജിത് ഫാൻസിനെയും ആകെ ഞെട്ടിച്ചിരിക്കുകയാണ്. റിയൽ ആകരുതേയെന്നാണ് രജിത് ഫാൻസ് പ്രാർത്ഥിക്കുന്നത്. ഏറ്റവും കുരത്തക്കേട് നിറഞ്ഞ കുട്ടിയാകാൻ ശ്രമിച്ചതാണെന്നായിരുന്നു സംഭവത്തെ കുറിച്ച് രജിത്തിന്റെ പ്രതികരണം. 

ഇപ്പോഴിതാ, രജിതിന് കട്ട സപ്പോർട്ടുമായി നടൻ ആദിത്യൻ ജയൻ രംഗത്ത്. ബിഗ് ബോസ് കാണുന്ന താരത്തിന്റെ മകന്റെയും, രജിത്തിന്റെയും ഫോട്ടോ പങ്ക് വച്ചുകൊണ്ടാണ് താരം രംഗത്ത് വന്നത്. " ബിഗ് ബോസിൽ രജിത് സാറിനെ കാണുവാ ചെക്കൻ. അങ്ങനെ ഒന്നും പോകില്ല പുറത്ത് കട്ട സപ്പോർട്ട്" എന്നാണ് ആദിത്യൻ ജയൻ എഫ്ബിയിൽ കുറിച്ചത്.