ഫഹദ് ഫാസിലിനോട് നന്ദി പറഞ്ഞ് സംവിധായകന്‍ ടി.കെ രാജീവ് കുമാര്‍. ഷെയ്ന്‍ നിഗം ആദ്യമായി കോമഡി റോളില്‍ എത്തുന്ന സിനിമയായ ബര്‍മുഡയിലെ മോഹന്‍ലാല്‍ പാടിയ പാട്ടിന്റെ ലിറിക്കല്‍ വീഡിയോ കഴിഞ്ഞദിവസം പുറത്തുവന്നിരുന്നു. മമ്മൂട്ടിയാണ് തന്റെ ഒഫീഷ്യല്‍ ഫേസ്ബുക്ക് പേജിലൂടെ വീഡിയോ റിലീസ് ചെയ്തത്. ഇപ്പോഴിതാ പാട്ടിന്റെ സ്റ്റുഡിയോ കട്ട് ഫഹദ് പുറത്ത് വിടുമെന്ന് രാജീവ് കുമാര്‍ അറിയിച്ചു. നാളെ വൈകിട്ട് 5 മണിക്ക് വീഡിയോ കാണാനാകും.
സൈജു കുറുപ്പ്, സുധീര്‍ കരമന, മണിയന്‍പിള്ള രാജു, ഇന്ദ്രന്‍സ്, സാജല്‍ സുധര്‍ശന്‍, ദിനേഷ് പണിക്കര്‍, കോട്ടയം നസീര്‍, നന്ദു, നിരഞ്ജന അനൂപ്, ഗൗരി നന്ദ, നൂറിന്‍ ഷെറീഫ്, ഷൈനി സാറ തുടങ്ങിയ താരനിര ചിത്രത്തിലുണ്ട്.അഴകപ്പന്‍ ഛായാഗ്രഹണം നിര്‍വഹിക്കുന്നു.ശ്രീകര്‍ പ്രസാദ് എഡിറ്റിംഗ് കൈകാര്യം ചെയ്യുന്നു.രമേശ് നാരയണന്‍ ആണ് സംഗീതം ഒരുക്കുന്നത്.വിനായക് ശശികുമാറിന്റേതാണ് വരികള്‍.
