സേവ് ദ ഡേറ്റ് ഫോട്ടോഷൂട്ടുകൾ പോലെ തന്നെ മറ്റേണിറ്റി ഫോട്ടോഷൂട്ടുകളും ഇപ്പോൾ സർവ സാധാരണമാണ്. പ്രത്യേകിച്ചും സെലിബ്രിട്ടികൾ വ്യത്യസ്തമായ മറ്റേണിറ്റി ഫോട്ടോഷൂട്ടുകൾ നടത്തി ശ്രദ്ധ നേടാറുണ്ട്. കരീന കപൂർ മുതൽ സോനം കപൂർ വരെ ഇത്തരം ഫോട്ടോഷൂട്ടുകൾ നടത്തിയത് സൈബർ ലോകത്ത് വൈറലായിരുന്നു.
ഇപ്പോഴിതാ അമ്മയാകാൻ തയ്യാറെടുക്കുന്ന ബോളിവുഡ് താരം ബിപാഷ ബസുവിൻ്റെ മറ്റേണിറ്റി ഫോട്ടോഷൂട്ടാണ് സമൂഹമാധ്യമങ്ങളിൽ വൈറലാകുന്നത്. നിറവയറിൽ ബ്ലാക്ക് ഡ്രസിൽ അതിമനോഹരിയായാണ് താരമെത്തുന്നത്. വാക്കുകൾ കൊണ്ട് പറഞ്ഞറിയിക്കാനാവാത്ത അനുഭവമാണ് ഇതെന്നും താരം പറയുന്നു. 2016ലായിരുന്നു നടൻ കരൺ സിംഗ് ഗ്രോവറുമായുള്ള ബിപാഷയുടെ വിവാഹം.
