നിവിന്‍പോളിക്കെതിരായ ബലാല്‍സംഗ കേസ് വ്യാജമാണെന്ന് സംവിധായകനും നടനുമായ വിനീത് ശ്രീനിവാസന്‍. യുവതി പരാതിയില്‍ നല്‍കിയ തീയതിയില്‍ തനിക്കൊപ്പം വിനീത് വര്‍ഷങ്ങള്‍ക്കുശേഷം എന്ന സിനിമയുടെ ചിത്രീകരണത്തിലായിരുന്നുവെന്ന് അദ്ദേഹം പറയുന്നു. ആ സമയത്ത് നിവിന്‍ പോളി ദുബായില്‍ അല്ലായിരുന്നു എന്നും ഇതിന് ഡിജിറ്റല്‍ തെളിമടക്കം ഹാജരാക്കാന്‍ കഴിയുമെന്നും വിനീത് കൂട്ടിച്ചേര്‍ത്തു.
നിവിന്‍ പോളി അടക്കം ഒരു സംഘം ആളുകള്‍ നവംബര്‍, ഡിസംബര്‍ മാസങ്ങളിലായി തന്നെ ദുബായില്‍ വെച്ച് പീഡിപ്പിച്ചു എന്നാണ് യുവതി പരാതിയില്‍ പറയുന്നത്.
കോതമംഗലം ഊന്നുകള്‍ പൊലീസ് രജിസ്റ്റര്‍ ചെയ്ത കേസില്‍ പ്രത്യേക അന്വേഷണ സംഘം നടപടി തുടങ്ങാനിരിക്കുന്നതിന് മുന്നേ നിവിന്‍ പോളിക്ക് പിന്തുണയുമായി സുഹൃത്തുക്കള്‍ എത്തിയിരിക്കുകയാണ്. പീഡനം നടന്ന ദിവസങ്ങള്‍ തനിക്ക് കൃത്യമായി ഓര്‍മ്മയില്ലെന്നാണ് പരാതിക്കാരി മൊഴി നല്‍കിയിരിക്കുന്നത്. അന്വേഷണസംഘത്തിന് വിശദമായ മൊഴി നല്‍കുമെന്നും അവര്‍ പറഞ്ഞു.
ബലാല്‍സംഗം ഉള്‍പ്പെടെയുള്ള ഗുരുതരമായ വകുപ്പുകളാണ് നിവിന്‍ പോളിക്ക് എതിരെ ചുമത്തിയിരിക്കുന്നത്. കേസിന്റെ രേഖകളും വിശദാംശങ്ങളും ലഭിക്കാനായി കാത്തിരിക്കുകയാണ് നടന്‍.
