അടുത്തിടെ റിലീസ് ചെയ്ത് വൻ വിജയം നേടിയ മലയാള സിനിമയാണ് പ്രേമലു. തമിഴ്‌നാട്ടിലും സിനിമയ്ക്ക് ആരാധകർ ഏറെയാണ്. റൊമാന്റിക് കോമഡി വിഭാഗത്തിലെത്തിയ പ്രേമലു തിയേറ്ററുകളിൽ വൻ നേട്ടം സ്വന്തമാക്കിയിരുന്നു. ചിത്രത്തിൻറെ ബജറ്റ് 9 കോടി രൂപയായിരുന്നു.
ആഗോളതലത്തിൽ 140 കോടിയോളം രൂപയാണ് പ്രേമലു സ്വന്തമാക്കിയത്.
പ്രേമലു വിജയാഘോഷ വേളയിലാണ് രണ്ടാം ഭാഗം പ്രഖ്യാപിച്ചത്. സച്ചിൻ യുകെയിലേക്ക് പോകുന്നിടത്ത് വച്ചാണ് ആദ്യഭാഗം അവസാനിക്കുന്നത്.യുകെയിൽ എത്തിയ ശേഷമുള്ള കഥയാണ് രണ്ടാം ഭാഗത്തിൽ പറയുന്നത്. പ്രധാന കഥാപാത്രങ്ങൾ എല്ലാം രണ്ടാം ഭാഗത്തിലും ഉണ്ടാകും. അനശ്വര രാജനാണ് മറ്റൊരു കൂട്ടിച്ചേർക്കൽ.2025 ഓണം റിലീസ് ആയാണ് പ്രേമലു 2 വരുന്നത്. ചിത്രീകരണം ജനുവരിയിൽ ആരംഭിക്കും എന്നതാണ് പുതിയ റിപ്പോർട്ടുകൾ.
ഹൈദരാബാദ് പശ്ചാത്തലമാക്കി ഒരുക്കിയ റൊമാന്റിക് കോമഡി ചിത്രമാണ് 'പ്രേമലു'. തിരുവനന്തപുരം, കൊച്ചി, ഹൈദരാബാദ്, പൊള്ളാച്ചി എന്നിവിടങ്ങളിലായാണ് സിനിമ ചിത്രീകരിച്ചത്.ഗിരീഷ് ഏ ഡി, കിരൺ ജോസി ചേർന്നാണ് തിരക്കഥ ഒരുക്കിയിരിക്കുന്നത്. തല്ലുമാല, സുലേഖ മനസിൽ തുടങ്ങിയ ചിത്രങ്ങളിലൂടെ ശ്രദ്ധേയനായ വിഷ്ണു വിജയൻ ആണ് സംഗീതം ഒരുക്കിയത്.മമിതയാണ് നായിക. ശ്യാം മോഹൻ, അഖില ഭാർഗവൻ, സംഗീത് പ്രതാപ്, മീനാക്ഷി രവീന്ദ്രൻ എന്നിവരാണ് മറ്റു പ്രധാന വേഷങ്ങളിൽ എത്തിയത്.
അജ്മൽ സാബു ഛായാഗ്രഹണവും ആകാശ് ജോസഫ് എഡിറ്റിങ്ങും നിർവ്വഹിക്കുന്നു.
