ബേസിൽ ജോസഫിനെ സംബന്ധിച്ച് കഴിഞ്ഞ വർഷം മികച്ചതായിരുന്നു. ആ വിജയം ഈ വർഷവും ബേസിൽ തുടരുകയാണ്. പ്രാവിൻകൂട് ഷാപ്പ് എന്ന ചിത്രമാണ് ബേസിലിന്റേതായി തിയേറ്ററിൽ ഓടുന്നത്. എന്നിരുന്നാലും തൻ്റെ സമീപകാല അഭിമുഖങ്ങളിലൊന്നിൽ, അഭിനയത്തിൽ നിന്ന് ഇടവേള എടുത്ത് സംവിധാനത്തിൽ ശ്രദ്ധ കേന്ദ്രീകരിക്കാൻ താൻ ആഗ്രഹിക്കുന്നുവെന്ന് ബേസിൽ ജോസഫ് വെളിപ്പെടുത്തിയിരുന്നു.
അടുത്തിടെ പുറത്തിറങ്ങിയ പ്രാവിൻകൂട് ഷാപ്പിൻ്റെ പ്രമോഷൻ്റെ തിരക്കിലായ നടനും സംവിധായകനും തൻ്റെ അടുത്ത സംവിധാന സംരംഭത്തെ കുറിച്ച് തുറന്നു പറഞ്ഞു. താൻ കുറച്ച് കാലമായി ഒന്നിലധികം തിരക്കഥകൾ തയ്യാറാക്കുകയാണെന്നും അതിലൊന്ന് ഏകദേശം പൂർത്തിയായെന്നും ബേസിൽ ജോസഫ് വെളിപ്പെടുത്തി. കാര്യങ്ങൾ ശരിയായിക്കഴിഞ്ഞാൽ, സംവിധാനത്തിന് ശ്രദ്ധ കേന്ദ്രീകരിക്കുന്നതിനായി അഭിനയത്തിൽ നിന്ന് ഇടവേള എടുക്കാൻ താൻ പദ്ധതിയിടുകയാണെന്നും ബേസിൽ വ്യക്തമാക്കി.
മമ്മൂട്ടി, മോഹൻലാൽ എന്നിവരോടൊപ്പമുള്ള തൻ്റെ പ്രോജക്റ്റുകളെക്കുറിച്ചുള്ള സൂചനകളും നൽകി. തൻ്റെ വരാനിരിക്കുന്ന സംവിധായക സംരംഭങ്ങളിൽ മമ്മൂട്ടിക്കും മോഹൻലാലിനും ഒപ്പം പ്രവർത്തിക്കാനുള്ള സാധ്യതകളെക്കുറിച്ചും ബേസിൽ ജോസഫും സൂചിപ്പിച്ചിരുന്നു. ബേസിലിന്റെ വരാനിരിക്കുന്ന എല്ലാ പ്രോജക്റ്റുകളും ഒരു വലിയ ക്യാൻവാസിൽ ആയിരിക്കും ഒരുങ്ങുക. മമ്മൂട്ടിയുമായും മോഹൻലാലും സഹകരിക്കുന്നതിനെക്കുറിച്ച് ചോദിച്ചപ്പോൾ ബേസിൽ ജോസഫ് അതിനുള്ള സാധ്യതകൾ നിഷേധിച്ചില്ല എന്നും ഒ.ടി.ടി പ്ലെ റിപ്പോർട്ട് ചെയ്യുന്നു.
