കര്‍ണാടകയില്‍ തഗ് ലൈഫിന്റെ റിലീസിന് വിലക്ക്; മാപ്പ് പറയില്ലെന്ന് കമല്‍ഹാസന്‍
കന്നട തമിഴില്‍ നിന്നാണ് രൂപം കൊണ്ടത് എന്നായിരുന്നു ചെന്നൈയിലെ പ്രമോഷന്‍ പരിപാടിയില്‍ കമല്‍ഹാസന്റെ പരാമര്‍ശം.
കര്‍ണാടകയില്‍ തഗ് ലൈഫിന്റെ റിലീസിന് വിലക്ക്. കമല്‍ഹാസന്റെ കന്നട പരാമര്‍ശത്തെ തുടര്‍ന്നാണ് കര്‍ണാടക ഫിലിം ചേംബര്‍ ഓഫ് കൊമേഴ്‌സ് ചിത്രം വിലക്കിയത്. തഗ് ലൈഫിന്റെപ്രമോഷന്‍ പരിപാടിക്കിടെയാണ് കമല്‍ഹാസന്‍ വിവാദ പരാമര്‍ശം നടത്തിയത്. കന്നട തമിഴില്‍ നിന്നാണ് രൂപം കൊണ്ടത് എന്നായിരുന്നു ചെന്നൈയിലെ പ്രമോഷന്‍ പരിപാടിയില്‍ കമല്‍ഹാസന്റെ പരാമര്‍ശം.
ഇതിനെതിരെ കര്‍ണാടകയില്‍ ബിജെപി നേതാക്കള്‍ ഉള്‍പ്പെടെയുള്ള രാഷ്ട്രീയ നേതാക്കള്‍ രംഗത്തെത്തി. കന്നടയുടെ പാരമ്പര്യവും ചരിത്രവും അറിയാതെയാണ് കമല്‍ഹാസന്‍ സംസാരിക്കുന്നതെന്ന് കര്‍ണാടക മുഖ്യമന്ത്രി സിദ്ധരാമയ്യ കുറ്റപ്പെടുത്തിയിരുന്നു. അതേസമയം തെറ്റ് ചെയ്താലേ തിരുത്താറുള്ളൂവെന്നും അതിനാല്‍ താന്‍ മാപ്പ് പറയാന്‍ ഉദ്ദേശ ഉദ്ദേശിക്കുന്നില്ലെന്ന് വിലക്കിന് ശേഷം കമല്‍ഹാസന്‍ പറഞ്ഞു.
