MaharajaTrailer:ചോര വിട്ട് കളിയില്ല ! അൻപതാമത്തെ സിനിമയിലും വിജയ് സേതുപതി വില്ലനോ?'മഹാരാജ' ട്രെയിലർ അപ്ഡേറ്റ്

Maharaja Trailer

തമിഴ് സിനിമാലോകത്തെ ജനപ്രിയ നടനാണ് വിജയ് സേതുപതി. ബോളിവുഡിൽ വരെ സാന്നിധ്യം അറിയിച്ചു കഴിഞ്ഞ മക്കൾ സെൽവന്റെ വരാനിരിക്കുന്ന സിനിമയെ കുറിച്ചുള്ള പ്രധാന അപ്ഡേറ്റാണ് പുറത്തുവന്നിരിക്കുന്നത്.

ലിയോയ്ക്ക് ശേഷം പാഷൻ സ്റ്റുഡിയോസും ദി റൂട്ടും നിർമ്മാണത്തിൽ വീണ്ടും ഒന്നിക്കുന്ന മഹാരാജ ട്രെയിലർ നാളെ വൈകുന്നേരം അഞ്ചുമണിക്ക് എത്തും.

 വിജയ് സേതുപതിയെ നായകനാക്കി ഒരുക്കുന്ന ബിഗ് ബജറ്റ് ചിത്രം സംവിധാനം ചെയ്യുന്നത് നിതിലന്‍ സാമിനാഥൻ ആണ്.

വിജയ് സേതുപതിയുടെ അൻപതാമത് സിനിമ കൂടിയാണിത്.

അനുരാഗ് കശ്യപ്, മംമ്ത മോഹൻദാസ്, നട്ടി, മുനിഷ്കാന്ത്, സിങ്കം പുലി, ഭാരതിരാജ, വിനോദ് സാഗർ, പി.എൽ.തേനപ്പൻ തുടങ്ങിയ താരങ്ങൾ ചിത്രത്തിലുണ്ട്. അജനീഷ് ലോക്നാഥ് ആണ് സിനിമയ്ക്കായി സംഗീതം ഒരുക്കുന്നത്.കന്നഡ ഇന്‍ഡസ്ട്രിയിലെ മുന്‍നിര സംഗീത സംവിധായകരില്‍ ഒരാളാണ് അദ്ദേഹം. അജനീഷ് ഒരുക്കിയ കാന്താരയിലെ പാട്ടുകൾ വളരെയധികം ശ്രദ്ധിക്കപ്പെട്ടിരുന്നു.

സുതൻ സുന്ദരവും ജഗദീഷ് പളനിച്ചാമിയും ചേർന്നാണ് ചിത്രം നിർമ്മിക്കുന്നത്.