‘അപമാനപെട്ടവർ ഒരുനാൾ അഭിമാനിക്കും‘; സാബുവിന് മാസ് മറുപടിയുമായി ഷിയാസ് കരീം, പിന്തുണച്ച് പവനും !

ബിഗ് ബോസ് സീസൺ വൺ ഏറെ വ്യത്യസ്തത നിറഞ്ഞതായിരുന്നു. ഒന്നാം സീസണിലെ നിരവധിയാളുകൾ സീസൺ 2ലെ താരങ്ങൾക്ക് പിന്തുണ നൽകി രംഗത്ത് വന്നിരുന്നു. അത്തരത്തിൽ മുൻ ബിഗ്ബോസ് താരം ഷിയാസ് കരിം തന്റെ ഇൻസ്റ്റഗ്രാമിൽ പങ്കുവെച്ച ഒരു പോസ്റ്റ് ആണ് ഇപ്പോൾ സോഷ്യൽ മീഡിയകളിൽ വൈറലാകുന്നത്.  

അപമാനപെട്ടവർ ഒരുനാൾ അഭിമാനപെടും, സ്നേഹത്തോടെ ഷിയാസ് കരീം! എന്ന തലക്കെട്ടോടെയാണ് താരം ഒരു വീഡിയോ ഷെയർ ചെയ്തിരിക്കുന്നത്. തന്റെ ബിഗ് ബോസ് വീട്ടിനുള്ളിൽ ഉണ്ടായിരുന്ന സംഭവങ്ങൾ കോർത്തിണക്കിയാണ് വീഡിയോ ചിത്രീകരിച്ചിരിക്കുന്നത്. വീഡിയോയിൽ സാബുമോൻ ഷിയാസിനെ അൽപ്പം താഴ്ത്തികെട്ടി സംസാരിക്കുന്ന രംഗങ്ങളാണ് ഉള്ളത്. 

ഇത് പങ്കുവച്ചുകൊണ്ടാണ് അഭിമാനത്തോടെ ഷിയാസ് പോസ്റ്റ് ഇട്ടിരിക്കുന്നത്." ആണിന്റെ രൂപോം കോലോം ഒന്നും നോക്കുന്നതല്ല മോഡൽ. റാംപിൽ നടക്കുന്നവനാണ് മോഡൽ. ഒരു പതിനഞ്ചു വര്ഷം നീ പ്രയത്നിക്കണം എന്റെ അത്രയും എത്താൻ. ഞാൻ ഇന്ന് വരെ നിന്റെ ഒരു ഷോയും കണ്ടിട്ടില്ല. നീ എവിടുത്തെ മോഡൽ ആണ്. ഞാൻ ഇന്ന് വരെ നിന്നെ ഒരു ഫ്ലെക്സിൽ പോലുമോ ഒരു അമ്പലപ്പറമ്പിൽ വച്ചുപോലുമോ നിന്നെ ഞാൻ കണ്ടിട്ടില്ല" എന്ന് സാബു പറയുന്ന വീഡിയോ ആണ് ഷിയാസ് പങ്ക് വച്ചത്.

സാബുവിന്റെ വാക്കുകൾക്കൊപ്പം, റാംപിൽ നടക്കുന്നതിന്റെയും, ഒപ്പം വലിയ ഫ്ലെക്സ് ബോർഡുകളിൽ മോഡലായ തന്റെ ചിത്രങ്ങളും ഷിയാസ് വീഡിയോയിൽ ഉൾപ്പെടുത്തിയിട്ടുണ്ട്. ഷിയാസിന്റെ വളർച്ചയിൽ സന്തോഷിക്കുന്നുവെന്ന് ആരാധകർ കുറിച്ചു. ഒപ്പം സുഹൃത്തുക്കളായ പേളി മാണിയും ശ്രീനിഷും താരത്തിന് ആശംസ നൽകിയിട്ടുണ്ട്. ഈ സീസണിലെ കരുത്തുറ്റ മത്സരാർത്ഥി ആയിരുന്ന പവനും താരത്തിന് ആശംസ നൽകിയവരിൽ ഉൾപ്പെടുന്നു.  

View this post on Instagram

അപമാനപെട്ടവർ ഒരുനാൾ അഭിമാനപെടും.. സ്നേഹത്തോടെ ഷിയാസ് കരീം #model #modeling #kochin #kerala #runwaymodel #biggbossmalayalamseason2 #biggbossmalayalam #pearlemaany #postivevibes #sabumonarmy #sabumonabdusamad #sabumon #sabumongirlsarmy #shiyaskareem #shiyaskareemfans #actor #modelingagency #dalu

A post shared by Shiyas Kareem (@shiyaskareem) on Mar 2, 2020 at 1:43am PST