ഹനീഫ് അദേനി സംവിധാനം ചെയ്യുന്ന രണ്ടാമത്തെ ചിത്രം മിഖായേലിന്റെ ചിത്രീകരനം ഓഗസ്റ്റ് 22 രണ്ടിന് ആ‍രംഭിക്കും. ചിത്രത്തിൽ നായക കഥാപാത്രമാകുന്ന നിവിൻ പോളിക്കൊപ്പം പ്രധാന വേഷത്തിൽ ഉണ്ണിമുകുന്ദനും അഭിനയിക്കും എന്നാണ് പുറത്തുവരുന്ന റിപ്പോർട്ടുകൾ.
ഒരേസമയം കുടുംബ ചിത്രവും ക്രൈം ത്രില്ലറുമായാണ് ചിത്രം അണിയിച്ചൊരുക്കുന്നത്. ഇതുവരെ ചെയ്ത കഥാപാത്രങ്ങളിൽ നിന്നും വ്യത്യസ്തമായി ഒരു കുടുംബസ്ഥനായാണ് നിവിൻ പോളി ചിത്രത്തിൽ വേഷമിടുക. കാവൽ മലഖ എന്നർത്ഥം വരുന്ന ഗാർഡിയൻ എയിഞ്ചൽ എന്ന ടാഗ്‌ലൈനുമയാണ് ചിത്രം എത്തുക.
ജെ ഡി ചക്രവർത്തിയും ചിത്രത്തിൽ വേഷമിട്ടേക്കും എന്നാണ് റിപ്പോർട്ടുകൾ സൂചിപിക്കുന്നത്. സിദ്ദിഖ്, കലാഭവന്‍ ഷാജോണ്‍, കെ പി എസി ലളിത, ശാന്തികൃഷ്ണ എന്നിവരാണ് ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സിനിമയുടെ ഏറിയ പങ്കും ചിത്രീകരിക്കുന്നത് വിദേശത്താണ്.
നേരത്തെ മമ്മുട്ടിയായിരിക്കും ചിത്രത്തിൽ പ്രധാന കഥാപാത്രമായി എത്തുക എന്ന് റിപ്പോർട്ടുകൾ ഉണ്ടായിരുന്നു. സിനിമയെ കുറിച്ചുള്ള കൂടുതൽ വിവരങ്ങൾ വൈകാതെ അണിയറ പ്രവർത്തകർ പുറത്തുവിടും. ആന്റോ ജോസഫാണ് ബിഗ് ബജറ്റ് ചിത്രമായ മിഖായേൽ നിർമ്മിക്കുന്നത്.