യുവേഫ ചാമ്പ്യന്‍സ് ലീഗിന്റെ രണ്ടാം പാദ സെമിയില്‍ ഇന്ന് ബാഴ്സലോണ ഇറ്റാലിയന്‍ കരുത്തരായ ഇന്റര്‍മിലാനെ നേരിടും.ആവേശകരമായ ആദ്യ പാദ സെമിയില്‍ 3-3ന് ഇരുടീമുകളും സമനിലയില്‍ പിരിഞ്ഞിരുന്നു. ഇന്ററിന്റെ ഹോം ഗ്രൗണ്ടായ സാന്‍ സീറോയില്‍ ഇന്ത്യന്‍ സമയം രാത്രി12:30നാണ് മത്സരം.
പ്രധാനതാരങ്ങളായ കുണ്ടോയുടെയും ബാല്‍ഡെയുടെയും പരിക്കാണ് ബാഴ്‌സലോണയെ അലട്ടുന്നത്. അതേസമയം മുന്നേറ്റനിരയില്‍ ലവന്‍ഡോവ്‌സ്‌കി തിരിച്ചെത്തുന്നത് ടീമിന് ആത്മവിശ്വാസം പകരും. ഇന്റര്‍ മിലാന്‍ നിരയില്‍ ലൗട്ടാരോ മാര്‍ട്ടിനസ് കളിക്കുമോ എന്ന കാര്യവും സംശയത്തിലാണ്. രാത്രി 12:30ന് നടക്കുന്ന മത്സരം സോണി സ്‌പോര്‍ട്‌സ് നെറ്റ്വര്‍ക്കിലും സോണിലിവ് ആപ്പിലും തത്സമയം കാണാനാകും.
