ക്ലബ് കരിയറിൽ 700 ഗോൾ നേട്ടമെന്ന റെക്കോർഡ് സ്വന്തമാക്കി അർജൻ്റൈൻ ഫുട്ബോൾ ഇതിഹാസം ലയണൽ മെസ്സി. യൂറോപ്യൻ ഫുട്ബോളിൽ 700 ഗോൾ തികയ്ക്കുന്ന രണ്ടാമത്തെ താരമാണ് ലയണൽ മെസ്സി. 701 ഗോൾ സ്വന്തമായുള്ള ക്രിസ്റ്റ്യാനോ റൊണാൾഡോയാണ് ലിസ്റ്റിൽ ഒന്നാമത്. അധികം വൈകാതെ തന്നെ മെസ്സി ഈ നേട്ടം തൻ്റെ പേരിൽ എഴുതിചേർക്കും. ഈ വർഷം പിഎസ്ജിക്കായി 8 മത്സരങ്ങളിൽ നിന്നും 4 ഗോളുകളാണ് മെസ്സിയുടെ സമ്പാദ്യം. ബാഴ്സലോണയ്ക്കായി 672 ഗോളുകളും പിഎസ്ജിക്കായി 28 ഗോളുകളുമാണ് മെസ്സി സ്വന്തമാക്കിയിട്ടുള്ളത്.
ദേശീയ ടീമായ അർജൻ്റീനയ്ക്ക് വേണ്ടി 98 ഗോളുകളും മെസ്സി നേടിയിട്ടുണ്ട്. ഫുട്ബോൾ കരിയറിൽ 800 ഗോൾ എന്ന നേട്ടം സ്വന്തമാക്കാൻ ഇതോടെ സൂപ്പർ താരത്തിന് 2 ഗോളുകൾ മാത്രമാണ് വേണ്ടത്.
