‘അന്ന് ഞാന്‍ പതറിയില്ല, അനുഭവങ്ങള്‍ അത്രയേറെ ആത്മവിശ്വാസം തന്നിട്ടുണ്ട് ’: വെളിപ്പെടുത്തലുമായി മഞ്ജു

‘അനുഭവങ്ങള്‍ അത്രയേറെ ആത്മവിശ്വാസം തന്നിട്ടുണ്ട് എനിക്ക്’: വെളിപ്പെടുത്തലുമായി മഞ്ജു

മലയാള സിനിമയ്ക്ക് എന്നും പ്രീയപ്പെട്ടവളാണ് മഞ്ജുവാര്യര്‍. ഈയിടെ മഞ്ജു തന്റെ അമ്മയ്ക്ക് ക്യാന്‍സര്‍ ബാധിച്ച സമയത്തെ അനുഭവങ്ങള്‍ പങ്കുവെയ്ക്കുകയുണ്ടായി. തലസ്ഥാനത്ത് നടന്ന ക്യാന്‍സര്‍ ബോധവത്ക്കരണ ക്യാമ്പില്‍ വച്ചായിരുന്നു മഞ്ജു ഈ അനുഭവങ്ങള്‍ പങ്കുവെച്ചത്.

‘അമ്മയുടെ മുടി കൊഴിഞ്ഞു തുടങ്ങിയ ദിവസം ഞാനും അച്ഛനും വല്ലാതെ സങ്കടപ്പെട്ടിരുന്നു. പക്ഷേ, ഞങ്ങള്‍ പുറത്തു കാണിച്ചില്ല. അമ്മ തളരാന്‍ പാടില്ല. അന്നു രാത്രി ഞങ്ങള്‍ കൈകള്‍ ചേര്‍ത്തു പിടിച്ച് ഒരു പ്രതിജ്ഞയെടുത്തു. അര്‍ബുദത്തെ നമ്മള്‍ ചെറുത്തു തോല്‍പിക്കുമെന്നും’ മഞ്ജു പറഞ്ഞു.

‘പഴയതിനേക്കാള്‍ ഊര്‍ജ്വസ്വലയാണ് അമ്മയിപ്പോള് എന്റെ അമ്മ്യെന്നും‍. തിരുവാതിരകളിയിലും ആര്‍ട്ട് ഓഫ് ലിവിങ്ങിലുമൊക്കെ സജീവം. നാലു വര്‍ഷം മുന്‍പ് അച്ഛനു കാന്‍സര്‍ വന്നപ്പോഴും ഞങ്ങള്‍ പതറിയില്ല. നാളെ എനിക്കു വന്നാലും തളരില്ല, കാരണം അനുഭവങ്ങള്‍ അത്രയേറെ ആത്മവിശ്വാസം തന്നിട്ടുണ്ട് എനിക്കെന്നും മഞ്ജു വ്യക്തമാക്കി’.