ഐ എസിൽ ചേർന്ന നാലു മലയാളികൾ കൂടി കൊല്ലപ്പെട്ടു
വിവരം കേന്ദ്ര ഏജൻസികൾ സംസ്ഥാന പോലിസ് മേധാവിയെ അറിയിച്ചു
തിരുവന്തപുരം: ഐ എസിൽ ചേർന്ന് അഫ്ഗാനിസ്ഥാനിലേക്ക് കടന്ന നാല് മലയാളികൾ കൂടി കൊല്ലപ്പെട്ടു. കാസർകോട് പടന്ന സ്വദേശികളായ നിഹാസ് ഭാര്യ അജ്മല, ഇവരുടെ കുട്ടി, തൃക്കരിപ്പൂര്‍ സ്വദേശിയായ മുഹമ്മദ് മന്‍സാദ് എന്നിവരാണ് കൊല്ലപ്പെട്ടത്.
അമേരിക്കൻ സേന അഫ്ഗാനിസ്ഥാനിൽ ഐ എസ് തീവ്രവാതികൾക്കെതിരെ നടത്തിയ ബോംബാക്രമണത്തിലാണ് ഇവർ കൊല്ലപ്പെട്ടത്. ഇവരുടെ മരണം ദേശീയ അന്വേഷണ ഏജൻസി സ്ഥിരികരിച്ചിട്ടുണ്ട്.
കേന്ദ്ര ഏജൻസികളിൽ നിന്നും ഇതു സംബന്ധിച്ച അറിയിപ്പുകൾ ലഭിച്ചതായി സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. ഐ എസിൽ ചേർന്ന ഇളമ്പച്ചി സ്വദേശി മര്‍വാന്‍ കഴിഞ്ഞ വർഷം മരിച്ചതായി നേരത്തെ കേന്ദ്രം സംസ്ഥാനത്തെ അറിയിച്ചിരുന്നു.
