രാജ്ഭവനു മുന്നില്‍ കാർ നിയന്ത്രണം വിട്ട് തലകീഴായി മറിഞ്ഞ് യുവാവ് മരിച്ചു !

കാർ നിയന്ത്രണം വിട്ട് തലകീഴായി മറിഞ്ഞു; യുവാവ് മരിച്ചു

തിരുവന്തപുരത്ത് രാജ്ഭവനുമുന്നില്‍ കാർ അപകടത്തില്‍പ്പെട്ട് യുവാവ് മരിച്ചു. ഓട്ടോറിക്ഷയില്‍ ഇടിച്ച കാര്‍ നിയന്ത്രണം വിട്ട് വൈദ്യുതി പോസ്റ്റിലിടിച്ച് തലകീഴായി മറിയുകയായിരുന്നു. കാറില്‍ ഉണ്ടായിരുന്ന മൂന്ന് പെണ്‍കുട്ടികളുടെ നില ഗുരുതരമാണ്. താല്‍ക്കാലിക റജിസ്ട്രേഷനിലുള്ള കാറാണ് അപകടത്തില്‍ പെട്ടത്.

വള്ളക്കടവ് പെരുന്താന്നി സുഭാഷ് നഗറില്‍ സുബ്രഹ്മണ്യന്റെ മകന്‍ ആദര്‍ശ് ആണ് മരിച്ചത്. വ്യാഴാഴ്ച രാത്രി പതിനൊന്നിനായിരുന്നു അപകടം. പുതിയ കാറുമായി രാത്രി നടത്തിയ മല്‍സരയോട്ടമാണ് അപകടമുണ്ടാക്കിയതെന്ന് ദൃക്സാക്ഷികള്‍ പറഞ്ഞു. പൂര്‍ണമായും തകര്‍ന്ന കാര്‍ വെട്ടിപ്പൊളിച്ചാണ് രക്ഷാപ്രവര്‍ത്തനം നടത്തിയത്.