സംസ്ഥാനത്ത് വീണ്ടും കാട്ടാന ആക്രമണത്തില്‍ മരണം. വയനാട് അട്ടമല ഏറാട്ടുകുണ്ട് കോളനിയിലെ ബാലനാണ് കൊല്ലപ്പെട്ടത്. 40 ദിവസത്തിനുള്ളില്‍ ഏഴുപേരാണ് കാട്ടാന ആക്രമണത്തില്‍ മരിച്ചത്. കഴിഞ്ഞവര്‍ഷം 12 പേരാണ് കാട്ടാന ആക്രമണത്തില്‍ കൊല്ലപ്പെട്ടത്. അതേസമയം അഞ്ചുവര്‍ഷത്തിനുള്ളില്‍ 180 പേരുടെ ജീവനാണ് ഇത്തരത്തില്‍ പൊലിഞ്ഞത്.
ഈ വര്‍ഷം ആദ്യത്തെ കാട്ടാന ആക്രമണത്തിലെ മരണം ജനുവരി എട്ടിനായിരുന്നു. കുട്ട സ്വദേശി വിഷ്ണുവാണ് കൊല്ലപ്പെട്ടത്. മുള്ളന്‍കൊല്ലിയില്‍ നിന്ന് കാട് മുറിച്ച് പോകുമ്പോഴായിരുന്നു ആക്രമം ഉണ്ടായത്.
