സ്വര്‍ണം വാങ്ങാന്‍ ആഗ്രഹിക്കുന്നവര്‍ക്ക് ആശ്വാസം; സംസ്ഥാനത്ത് സ്വര്‍ണവിലയില്‍ വന്‍ ഇടിവ്
ഗ്രാമിന് 195 രൂപയാണ് കുറഞ്ഞത്. ഒരു ഗ്രാം സ്വര്‍ണത്തിന്റെ വില 8610 രൂപയായി.
സ്വര്‍ണ്ണം വാങ്ങാന്‍ ആഗ്രഹിക്കുന്നവര്‍ക്ക് ആശ്വാസം. സംസ്ഥാനത്ത് സ്വര്‍ണ്ണവിലയില്‍ വന്‍ ഇടിവുണ്ടായി. ഇന്ന് പവന് 1560 രൂപയാണ് കുറഞ്ഞത്. ഇതോടെ ഒരു പവന് സ്വര്‍ണത്തിന്റെ വില 68800 രൂപയായി. ഗ്രാമിന് 195 രൂപയാണ് കുറഞ്ഞത്. ഒരു ഗ്രാം സ്വര്‍ണത്തിന്റെ വില 8610 രൂപയായി.
ഏപ്രില്‍ 11ന് ശേഷം ആദ്യമായിട്ടാണ് സ്വര്‍ണ്ണവില 69,000ത്തിന് താഴെ എത്തുന്നത്. ഏഴു ദിവസത്തിനിടെ 4160 രൂപയാണ് സ്വര്‍ണത്തിന് കുറഞ്ഞത്. രാജ്യാന്തര സ്വര്‍ണ വില കുറഞ്ഞതാണ് സംസ്ഥാനത്തും പ്രതിഫലിച്ചത്. അമേരിക്കയും ചൈനയും തമ്മിലുള്ള വ്യാപാരയുദ്ധം ശമിച്ചത് സ്വര്‍ണ്ണവില കുറയാന്‍ കാരണമായി.
അതേസമയം ഒരു പവന് സ്വര്‍ണം വാങ്ങുമ്പോള്‍ 10 ശതമാനം പണിക്കൂലി ഉള്‍പ്പെടെ 78,000 രൂപയോളം ചെലവാകും.
