കുളത്തൂപ്പുഴ: പതിനാലുകാരിയെ സമൂഹ മാധ്യമങ്ങളിലൂടെ പരിചയപ്പെട്ടു പ്രണയം നടിച്ചു പീഡിപ്പിച്ചു കടന്നുകളഞ്ഞ 32 കാരനായ ഷെമീറിനെ പോലീസ് അറസ്റ്റ് ചെയ്തു. ചോഴിയക്കോട് കൊച്ചുകലുങ് ഷെമീർ മൻസിലിൽ ഷെമീർ എന്ന ചൊക്ലി ഷെമീറാണ് പോലീസ് പിടിയിലായത്.
പെൺകുട്ടിയെ നയത്തിൽ അടുത്ത് കൂടി കഴിഞ്ഞ ഇരുപത്തൊമ്പതിനു ബൈക്കിൽ കയറ്റി കൊച്ചരിപ്പയിലെ എണ്ണപ്പന തോട്ടത്തിൽ എത്തിച്ചു പീഡിപ്പിച്ചു. പിന്നീട് പെൺകുട്ടിയെ ഉപേക്ഷിച്ചു കടന്നു കളയുകയും ചെയ്തു എന്നാണു പോലീസ് പറഞ്ഞത്. ചിതറ, കടയ്ക്കൽ എന്നീ പോലീസ് സ്റ്റേഷനുകളിൽ ഒട്ടേറെ കേസുകളിലെ പ്രതിയാണ് ഷെമീർ.
ഇൻസ്‌പെക്ടർ എൻ.ഗിരീഷിന്റെ നേതൃത്വത്തിലുള്ള പോലീസ് സംഘം ഇയാളെ വീട്ടിൽ നിന്നാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
