പത്തനംതിട്ട: സമൂഹ മാധ്യമങ്ങളിലൂടെ പരിചയപ്പെട്ട യുവതിയെ വിവാഹ വാഗ്ദാനം നല്‍കി പീഡിപ്പിച്ച പോലീസുകാരനെതിരെ ഇരയായ യുവതി പരാതിപ്പെട്ടപ്പോള്‍ അവരെ തന്നെ വിവാഹം കഴിച്ചു പോലീസുകാരന്‍ തലയൂരി. പത്തനംതിട്ട പോലീസ് സ്റ്റേഷനിലെ സിവില്‍ പോലീസ് ഓഫീസറായ ഇരുപത്തെട്ടുകാരനാണ് പരാതിക്കാരിയായ 25 കാരിയെ വിവാഹം ചെയ്തത്.
തന്നെ വിവാഹം ചെയ്യാമെന്ന് ഉറപ്പു നല്‍കുകയും തുടര്‍ന്ന് ലൈംഗികമായി പീഡിപ്പിച്ചെന്നും പണം, സ്വര്‍ണ്ണം എന്നിവ തട്ടിയെടുത്ത് എന്നും കാണിച്ച് യുവതി കഴിഞ്ഞ പതിനെട്ടിന് റാന്നി പോലീസ് സ്റ്റേഷനില്‍ പരാതി നല്‍കി. ഇതനുസരിച്ച് ജാമ്യമില്ലാ വകുപ്പ് പ്രകാരം പോലീസ് കേസെടുക്കുകയും ചെയ്തു. കേസായതോടെ ഇയാള്‍ ഒളിവില്‍ പോയി. എന്നാല്‍ 19 നു പോലീസുകാരനെ കാണാനില്ലെന്ന് ബന്ധുക്കള്‍ പരാതി നല്‍കി. സാമ്പത്തിക പ്രശ്‌നങ്ങളാവാം കാട്ടിയാല്‍ ഒളിച്ചോടിയത് എന്നാണു പരാതിയില്‍ പറഞ്ഞിരുന്നത്.
യുവതി തന്നെ പല തവണ പീഡിപ്പിച്ചെന്നും ഒന്നേമുക്കാല്‍ ലക്ഷത്തോളം രൂപയും സ്വര്‍ണ്ണവും കൈവശപ്പെടുത്തി എന്നുമായിരുന്നു പരാതിയില്‍ പറഞ്ഞത്. സംഗതി ഗുരുതരമാകും എന്ന് കണ്ടതോടെ പ്രതി കുടുംബാംഗങ്ങള്‍ക്കൊത്ത് പരാതിക്കാരിയുടെ വക്കീലിനെ കണ്ട് വിവാഹം കഴിക്കാമെന്ന ധാരണയിലെത്തി. തുടര്‍ന്ന് കഴിഞ്ഞ ദിവസം ലളിതമായ രീതിയില്‍ വിവാഹം നടത്തുകയും ചെയ്തു.
