Select Your Language

Notifications

webdunia
webdunia
webdunia
webdunia

ഈ കപ്പൽ ആടിയുലയുകയില്ല സർ, നുണപ്രചാരണത്തിൽ തളരുന്ന ആളല്ല പിണറായി വിജയൻ: മുഖ്യമന്ത്രിക്ക് പിന്തുണയുമായി ആരോഗ്യമന്ത്രി

ഈ കപ്പൽ ആടിയുലയുകയില്ല സർ, നുണപ്രചാരണത്തിൽ തളരുന്ന ആളല്ല പിണറായി വിജയൻ: മുഖ്യമന്ത്രിക്ക് പിന്തുണയുമായി ആരോഗ്യമന്ത്രി
, തിങ്കള്‍, 13 ജൂണ്‍ 2022 (18:56 IST)
സ്വർണ്ണക്കടത്തുമായി ബന്ധപെട്ട് മുഖ്യമന്ത്രിക്കെതിരെ ഉയരുന്ന ആരോപണങ്ങളിൽ മുഖ്യമന്ത്രിക്ക് പിന്തുണ നൽകി ആരോഗ്യമന്ത്രി വീണാജോർജ്. ഫെയ്‌സ്ബുക്ക് പോസ്റ്റിലൂടെയാണ് ആരോഗ്യമന്ത്രി മുഖ്യമന്ത്രിക്ക് പിന്തുണ അറിയിച്ചത്. കേരളത്തിലെ ജനങ്ങൾ തള്ളിക്കളഞ്ഞ ആരോപണങ്ങളാണ് ഇപ്പോൾ വീണ്ടും ഉയരുന്നതെന്നും നുണപ്രചാരണങ്ങളിൽ തളരുന്ന ആളല്ല മുഖ്യമന്ത്രിയെന്നും വീണാജോര്ജിന്റെ ഫെയ്‌സ്ബുക്ക് പോസ്റ്റിൽ പറയുന്നു 
 
വീണാജോര്ജിന്റെ ഫെയ്‌സ്ബുക്ക് പോസ്റ്റ് വായിക്കാം 
 
പരിഹാസ്യമായ കെട്ടുകഥകളും ആരോപണ ശ്രമങ്ങളും സ്വയം തകര്‍ന്നടിഞ്ഞപ്പോള്‍ തെറ്റിദ്ധരിപ്പിക്കുന്ന പ്രചരണങ്ങളുമായി ചിലര്‍ ഇറങ്ങിയിരിക്കുകയാണ്. 
 
ഇപ്പോഴത്തെ തിരക്കഥാ നാടകങ്ങള്‍ തയ്യാറാക്കാന്‍ ഒന്നരവര്‍ഷത്തിലേറെ വേണ്ടിവന്നു. കേരളത്തിലെ ജനങ്ങള്‍ ആദ്യമേ തള്ളിക്കളഞ്ഞ ആരോപണങ്ങളാണിത്.ഏത് അന്വേഷണത്തേയും നേരിടാന്‍ തയ്യാറാണെന്നും അത് നടത്തണമെന്നും ആവശ്യപ്പെട്ട  മുഖ്യമന്ത്രിയാണ് സ. പിണറായി വിജയന്‍.
 
തീയില്‍ കുരുത്തത് വെയിലത്ത് വാടില്ല. അഗ്നിയില്‍ സ്ഫുടം ചെയ്ത രാഷ്ട്രീയ ജീവിതമാണത്.നുണപ്രചരണങ്ങളിൽ തളരുന്ന ആളല്ല സഖാവ് പിണറായി വിജയൻ എന്ന് ചരിത്രം സാക്ഷ്യപ്പെടുത്തുന്നു. ഇനിയും അങ്ങനെ തന്നെ. സഖാവേ മുന്നോട്ട്!

Share this Story:

Follow Webdunia malayalam

അടുത്ത ലേഖനം

മുഖ്യമന്ത്രിയെ വളഞ്ഞിട്ടാക്രമിക്കാന്‍ അനുവദിക്കില്ലെന്ന് മന്ത്രി മുഹമ്മദ് റിയാസ്