ഒരു വർഷം 97 ഹർത്താലോ? അവിശ്വസനീയം: സർക്കാർ ഉടൻ നടപടിയെടുക്കണമെന്ന് ഹൈക്കോടതി

സംസ്ഥാനത്ത് നടക്കുന്ന ഹർത്താൽ അതീവ ഗുരുതര പ്രശ്‌നമെന്ന് ഹൈക്കോടതി. കേരളത്തിൽ പലയിടങ്ങളിലായി ഒരു വർഷം 97 ഹർത്താലുകൾ നടന്നു എന്നത് അവിശ്വസനീയമാണെന്നും ഹൈക്കോടതി പറഞ്ഞു. ഹര്‍ത്താലിനെതിരെ സമര്‍പ്പിച്ച ഹര്‍ജികള്‍ പരിഗണിക്കവേയാണ് കോടതിയുടെ ഈ പരാമര്‍ശം.

ഹ​ര്‍​ത്താ​ല്‍ നി​രോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട് കേ​ര​ള ചേം​ബ​ര്‍ ഓ​ഫ് കൊ​മേ​ഴ്‌​സ് ആ​ന്‍​ഡ് ഇ​ന്‍​ഡ​സ്ട്രി പ്ര​സി​ഡ​ന്‍റ് ബി​ജു ര​മേ​ശ് സമർപ്പിച്ച ഹർജിയാണ് കോടതി ഇന്ന് പരിഗണിച്ചത്. ഹ​ര്‍​ത്താ​ല്‍ സം​സ്ഥാ​ന​ത്തി​ന് വ​ലി​യ സാ​മ്പ​ത്തി​ക പ്ര​തി​സ​ന്ധി​യാ​ണ് ഉ​ണ്ടാ​ക്കു​ന്ന​ത്. 

ഇ​ക്കാ​ര്യ​ത്തി​ല്‍ സു​പ്രീം കോ​ട​തി ഇ​ട​പെ​ട്ടി​ട്ടും പ​രി​ഹാ​ര​മു​ണ്ടാ​യി​ല്ലെ​ന്നും ഹൈ​ക്കോ​ട​തി ചൂ​ണ്ടി​ക്കാ​ട്ടി. 'ഹൈക്കോടതിയുടെയും സുപ്രീംകോടതിയും ഇത്തരത്തിലുള്ള ജനവിരുദ്ധ സമരങ്ങള്‍ക്കെതിരെ പല ഉത്തരവുകളും പുറപ്പെടുവിച്ചിട്ടുള്ളതാണ്. പക്ഷേ അവയൊന്നും കാര്യമായ പരിഹാരമുണ്ടാക്കിയില്ല. ഈ സാഹചര്യത്തില്‍ ഹര്‍ത്താലിനെതിരെ സര്‍ക്കാര്‍ എന്ത് നിലപാടെടുത്തു എന്ന് വിശദീകരിക്കണം. 

വ്യാപാരികള്‍ അടക്കം ഉന്നയിച്ച പ്രശ്‌നങ്ങളിൽ സംസ്ഥാന സര്‍ക്കാരിന്റെ നിലപാട് എന്താണ്. അവര്‍ക്ക് സംരക്ഷണം കൊടുക്കാന്‍ കഴിയുമോ' - കോടതി ചോദിച്ചു. ഹർത്താലിനെതിരെ നടപടി എടുത്തേ മതിയാകൂ എന്നും എന്ത് നടപടികളാണ് ഇതിനെതിരെ സ്വീകരിക്കുന്നതെന്ന് ഇന്ന് ഉച്ചയ്ക്ക് 1.45 ന് മുമ്പ് അറിയിക്കണമെന്നും കോടതി ആവശ്യപ്പെട്ടു.