Publish Date: Wed, 27 Nov 2024 (16:04 IST)
Updated Date: Wed, 27 Nov 2024 (16:09 IST)
മാധ്യമപ്രവര്ത്തകരെ ഭീഷണിപ്പെടുത്തി ബിജെപി സംസ്ഥാന അധ്യക്ഷന് കെ സുരേന്ദ്രന്. അപകീര്ത്തിപ്പെടുത്താന് ശ്രമിച്ച ഒരു മാധ്യമപ്രവര്ത്തകനെയും വെറുതെ വിടില്ലെന്ന് ഭീഷണി മുഴക്കി. കള്ള വാര്ത്തകള് ചെയ്യുകയും പ്രചരിപ്പിക്കുകയും ചെയ്തവര് അത് എത് കൊമ്പത്തിരിക്കുന്നവര് ആയാലും കൈകാര്യം ചെയ്യുമെന്ന് സുരേന്ദ്രന് ഭീഷണിപ്പെടുത്തി. ബിജെപിയിലെ വിമത നീക്കങ്ങളില് മാധ്യമങ്ങളോട് സംസാരിക്കവെയാണ് സുരേന്ദ്രന് ഇക്കാര്യം പറഞ്ഞത്.
പാലക്കാട് ഉപതെരഞ്ഞെടുപ്പിന്റെ മറവില് നൂറുകണക്കിന് ബലിദാനികള് ജീവന് നല്കി പടുത്തുയര്ത്തിയ ഒരു മഹാ പ്രസ്ഥാനത്തെ കരിവാരിത്തേക്കാന് കഴിഞ്ഞ മൂന്നുനാലു ദിവസങ്ങളായി മാധ്യമങ്ങള് നടത്തുന്ന ശ്രമങ്ങളെ ഒരുതരത്തിലും അംഗീകരിക്കില്ലെന്നും ഇത്തരം നെറുകേടുകള് കാണിച്ച ഒരുത്തനെയും വെറുതെ വിടില്ലെന്നും സുരേന്ദ്രന് പറഞ്ഞു.
