Publish Date: Mon, 30 Oct 2023 (10:14 IST)
Updated Date: Mon, 30 Oct 2023 (10:16 IST)
സ്റ്റേജ് കാരിയേജ് ഉള്പ്പെടെയുള്ള എല്ലാ ഹെവി വാഹനങ്ങളുടെ ഡ്രൈവര്ക്കും മുന് സീറ്റില് യാത്ര ചെയ്യുന്നയാള്ക്കും കേന്ദ്ര നിയമം അനുശാസിക്കുന്ന വിധത്തില് സീറ്റ് ബെല്റ്റും, സ്റ്റേജ് കാരിയേജുകള്ക്കുള്ളിലും പുറത്തും ക്യാമറ ഘടിപ്പിക്കണമെന്ന ഉത്തരവും നവംബര് 1 മുതല് പ്രാബല്യത്തില് വരുമെന്ന് ഗതാഗത മന്ത്രി ആന്റണി രാജു അറിയിച്ചു.
ഹെവി വാഹനങ്ങള്ക്ക് സീറ്റ് ബെല്റ്റും ക്യാമറകളും ഘടിപ്പിക്കുന്നത് നിര്ബന്ധമാക്കുന്നത് നവംബര് 1 മുതല് ഫിറ്റ്നെസ് സര്ട്ടിഫിക്കറ്റ് ഹാജരാക്കുന്നതു മുതലേ ബാധകമാക്കാവൂ എന്ന വാഹന ഉടമകളുടെ ആവശ്യം അംഗീകരിച്ചു കൊണ്ട്, സീറ്റ് ബെല്റ്റും ക്യാമറകളും ഘടിപ്പിച്ച വാഹനങ്ങള്ക്കു മാത്രമേ നവംബര് 1 മുതല് ഫിറ്റ്നെസ് സര്ട്ടിഫിക്കറ്റ് നല്കാവൂ എന്നും മന്ത്രി ഉത്തരവിട്ടു.
