കൊല്ലത്ത് കുട്ടികളെ ഉപേക്ഷിച്ച് കാമുകനൊപ്പം പോയ യുവതിക്കെതിരെ കേസ്

ഒന്നര വയസും നാലു വയസും പ്രായമുള്ള രണ്ട് കുട്ടികളെ ഉപേക്ഷിച്ചാണ് ഗീതു കാമുകനൊപ്പം പോയത്.

ബുധന്‍, 18 സെപ്‌റ്റംബര്‍ 2019 (08:32 IST)
കുട്ടികളെ ഉപേക്ഷിച്ച് കാമുകനൊപ്പം ഒളിച്ചോടിയ യുവതിക്കെതിരെ കേസെടുത്തു. ജുവനൈല്‍ ജസ്റ്റിസ് നിയമപ്രകാരം കൊല്ലം ചിതറ കാരറ സ്വദേശി ഗീതുവിനെതിരെയാണ് കേസെടുത്തിരിക്കുന്നത്. ഒന്നര വയസും നാലു വയസും പ്രായമുള്ള രണ്ട് കുട്ടികളെ ഉപേക്ഷിച്ചാണ് ഗീതു കാമുകനൊപ്പം പോയത്. 
 
ഇക്കഴിഞ്ഞ വെള്ളിയാഴ്ചയായിരുന്നു സംഭവം. ഗീതുവിനെ കാണാതായതിനെ തുടർന്ന് ഭര്‍ത്താവ് നൽകിയ പരാതിയില്‍ അന്വേഷണം നടത്തിയ പൊലീസ് സംഘം, തമിഴ്നാട്ടില്‍ നിന്ന് ഗീതുവിനേയും കാമുകൻ ഹരികൃഷ്ണനേയും കണ്ടെത്തി. കുട്ടികളെ ഉപേക്ഷിച്ചു പോയതിനാണ് ജുവനൈല്‍ ജസ്റ്റിസ് നിയമപ്രകാരം ഗീതുവിനെതിരെ പൊലീസ് കേസെടുത്തത്. മൂന്നു വർഷം വരെ തടവും ഒരു ലക്ഷം രൂപ പിഴയും ലഭിക്കുന്ന കുറ്റകൃത്യമാണ് ഇത്. 
 
ഗീതുവിന്‍റെ കാമുകനായ ഹരികൃഷ്ണനെതിരെയും കേസെടുത്തു. കുറ്റകൃത്യത്തിന് നിരന്തരം പ്രേരിപ്പിക്കുകയും കുറ്റക്യത്യത്തിൽ പങ്കാളിയാകുകയും ചെയ്തുവെന്നാണ് ഇയാള്‍ക്കെതിരെയുള്ള കേസ്. ഇരുവരെയും കോടതി റിമാന്‍ഡ് ചെയ്തു. 

വെബ്ദുനിയ വായിക്കുക

അടുത്ത ലേഖനം '2029 ഓടെ മോദി രാഷ്ട്രീയം മതിയാക്കും, പിന്നീടുള്ള കാലം സന്യാസജീവിതവുമായി ഹിമാലയത്തിൽ'