Select Your Language

Notifications

webdunia
webdunia
webdunia
webdunia

കൈവിടാതെ എന്‍സിപി, തള്ളിപ്പറഞ്ഞ് സിപിഎം; തോമസ് ചാണ്ടിയുടെ വിധി എല്‍ഡിഎഫ് തീരുമാനിക്കും - ഉ​ചി​ത​മാ​യ തീ​രു​മാ​നം കൈ​ക്കൊ​ള്ളാന്‍ നിര്‍ദേശം

തോമസ് ചാണ്ടിയുടെ വിധി എല്‍ഡിഎഫ് തീരുമാനിക്കും - ഉ​ചി​ത​മാ​യ തീ​രു​മാ​നം കൈ​ക്കൊ​ള്ളാന്‍ നിര്‍ദേശം

കൈവിടാതെ എന്‍സിപി, തള്ളിപ്പറഞ്ഞ് സിപിഎം; തോമസ് ചാണ്ടിയുടെ വിധി എല്‍ഡിഎഫ് തീരുമാനിക്കും - ഉ​ചി​ത​മാ​യ തീ​രു​മാ​നം കൈ​ക്കൊ​ള്ളാന്‍ നിര്‍ദേശം
കൊച്ചി , ശനി, 11 നവം‌ബര്‍ 2017 (19:53 IST)
അഡ്വക്കറ്റ് ജനറലിന്റെ നിയമോപദേശവും എതിരായതോടെ മന്ത്രി തോമസ് ചാണ്ടിയുടെ രാ​ജി​ക്കാ​ര്യ​ത്തി​ൽ തീ​രു​മാ​നം എ​ൽ​ഡി​എ​ഫി​നു വി​ട്ട് സി​പി​എം. ഉ​ചി​ത​മാ​യ തീ​രു​മാ​നം കൈ​ക്കൊ​ള്ളാനാണ് എ​ൽ​ഡി​എ​ഫി​ന് നിര്‍ദേശം ലഭിച്ചിരിക്കുന്നത്. ഇന്നു ചേ​ർ​ന്ന സി​പി​എം സം​സ്ഥാ​ന സ​മി​തി യോ​ഗ​ത്തി​ലാ​ണ് ഇത്തരമൊരു തീരുമാനമെടുത്തത്.

തോ​മ​സ് ചാ​ണ്ടി വി​ഷ​യ​ത്തി​ൽ സി​പി​എം തീ​രു​മാ​നം കൈ​ക്കൊ​ള്ളു​ന്ന​ത് മു​ന്ന​ണി മ​ര്യാ​ദ​ക​ൾ​ക്കു നി​ര​ക്കാ​ത്ത​താ​ണെ​ന്നു ചൂ​ണ്ടി​ക്കാ​ട്ടി​യാ​ണ് തീ​രു​മാ​നം എ​ൽ​ഡി​എ​ഫി​നു വി​ട്ട് സെ​ക്ര​ട്ട​റി​യേ​റ്റ് നി​ല​പാ​ട​റി​യി​ച്ച​ത്. ഞാ​യ​റാ​ഴ്ച ര​ണ്ടു മ​ണി​ക്കാ​ണ് എ​ൽ​ഡി​എ​ഫ് ചേ​രു​ന്ന​ത്.

രാജി നീട്ടരുതെന്ന് സിപിഎം സംസ്ഥാന സമിതിയിൽ അംഗങ്ങൾ ആവശ്യപ്പെട്ടു‍. രാജി വൈകിയാൽ മുന്നണിക്കും പാർട്ടിക്കും കളങ്കമാകുമെന്നാണു നിലപാട്.

അതേസമയം, തോമസ് ചാണ്ടി രാജിസന്നദ്ധത അറിയിച്ചെന്ന വാർത്തകൾ നിഷേധിച്ച് എൻസിപി സംസ്ഥാന നേതൃത്വം രംഗത്തെത്തി. തോമസ് ചാണ്ടിയുടെ രാജിക്കാര്യം പാർട്ടി ചർച്ച ചെയ്തിട്ടു പോലുമില്ല. ലൈംഗികാരോപണത്തില്‍പ്പെട്ട എകെ ശശീന്ദ്രന്‍ കുറ്റവിമുക്തനായാല്‍ തോമസ് ചാണ്ടി രാജിവയ്ക്കാനാണ് തീരുമാനം. ഇക്കാര്യം തോമസ് ചാണ്ടി നേരത്തേ തന്നെ പ്രഖ്യാപിച്ചിട്ടുള്ളതാണെന്നും സംസ്ഥാന പ്രസിഡന്‍റ് ടിപി പീതാംബരന്‍ പറഞ്ഞു.

തോമസ് ചാണ്ടി രാജിവയ്ക്കേണ്ട ഒരു സാഹചര്യവും നിലവിലില്ല. ഇക്കാര്യം പാർട്ടി ചർച്ച ചെയ്തിട്ടുപോലുമില്ല. സിപിഎം രാജിയാവശ്യപ്പെട്ടന്ന വാർത്ത തെറ്റാണ്. മാധ്യമങ്ങളാണ് തെറ്റായ വാര്‍ത്ത നാല്‍കുന്നതെന്നും പീതാംബരന്‍ വ്യക്തമാക്കി.

Share this Story:

Follow Webdunia malayalam

അടുത്ത ലേഖനം

തിരുവനന്തപുരത്ത് ട്രാന്‍സ്‌ജെന്‍ഡേഴ്‌സിനെ തടഞ്ഞു നിര്‍ത്തി എബിവിപിക്കാര്‍ അധിക്ഷേപിച്ചു