Publish Date: Fri, 09 Jun 2023 (09:59 IST)
Updated Date: Fri, 09 Jun 2023 (10:03 IST)
സംസ്ഥാനത്ത് ഇന്ന് അര്ധരാത്രി മുതല് ട്രോളിങ് നിരോധനം നിലവില് വരും. ജൂലൈ 31 അര്ധരാത്രി വരെ 52 ദിവസമാണ് നിരോധനം. നിരോധന സമയത്ത് യന്ത്രവല്കൃത ബോട്ടുകള് കടലില് പോകാനും മത്സ്യബന്ധനം നടത്താനും അനുമതിയില്ല.
ട്രോളിങ് നിരോധന കാലയളവില് ഇന്ബോര്ഡ് വള്ളങ്ങളോടൊപ്പം ഒരു കാരിയര് വള്ളം മാത്രമേ അനുവദിക്കുകയുള്ളൂ. നിരോധനത്തിന്റെ ഭാഗമായി എല്ലാ യന്ത്രവല്കൃത ബോട്ടുകളും വെള്ളിയാഴ്ച ഹാര്ബറുകളില് പ്രവേശിക്കും. മുഴുവന് തീരദേശ ജില്ലകളിലും 24 മണിക്കൂറും പ്രവര്ത്തിക്കുന്ന ഫിഷറീസ് കണ്ട്രോള് റൂമുകള് ആരംഭിച്ചിട്ടുണ്ട്. ട്രോളിങ് കാലയളവില് മീന് വില കുതിച്ചുയരും.
