ബിജെപിക്കെതിരെയുള്ള പ്രതിപക്ഷ സഖ്യത്തിൽ വിള്ളല്‍ വരുത്തരുത്; വയനാട്ടില്‍ രാഹുല്‍ ഗാന്ധി മത്സരിക്കുന്നതിൽ എതിർപ്പുമായി ഡിഎംകെയും
ഇത് സംബന്ധിച്ച് രാഹുല്‍ ഗാന്ധിയുമായും സോണിയ ഗാന്ധിയുമായും എംകെ സ്റ്റാലിന്‍ സംസാരിച്ചു.
വയനാട്ടില്‍ രാഹുല്‍ ഗാന്ധി മത്സരിക്കുന്നതിനെതിരെ എതിർപ്പുമായി ഡിഎംകെയും.രാഹുലിനെ വയനാട്ടില്‍ സ്ഥാനാര്‍ത്ഥിയാക്കരുതെന്ന് ഡിഎംകെ നേതാവ് എംകെ സ്റ്റാലിന്‍ കോണ്‍ഗ്രസ് നേതൃത്വത്തിനോട് ആവശ്യപ്പെട്ടു. ഇത് സംബന്ധിച്ച് രാഹുല്‍ ഗാന്ധിയുമായും സോണിയ ഗാന്ധിയുമായും എംകെ സ്റ്റാലിന്‍ സംസാരിച്ചു.
ബിജെപിക്കെതിരെയുള്ള പ്രതിപക്ഷ ഐക്യത്തിന് വിള്ളല്‍ വരുത്തരുതെന്ന് സ്റ്റാലിന്‍ ഇരുവരോടും പറഞ്ഞതായാണ് വിവരം. രാഹുല്‍ ഗാന്ധി മത്സരിക്കുന്നത് പ്രതിപക്ഷ സഖ്യത്തെ ബാധിക്കുമെന്ന സന്ദേശം കോണ്‍ഗ്രസിനെ മറ്റ് യു.പി.എ സഖ്യകക്ഷി നേതാക്കള്‍ അറിയിച്ചതായും റിപ്പോര്‍ട്ടുണ്ട്.
