Webdunia - Bharat's app for daily news and videos

Install App

ആധിപത്യം ഉറപ്പിച്ച് മോഹൻലാൽ; ആദ്യ അഞ്ചില്‍ നാലും ലാല്‍ ചിത്രങ്ങള്‍!

നിഹാരിക കെ.എസ്
വ്യാഴം, 1 മെയ് 2025 (10:18 IST)
കളക്ഷൻ റെക്കോർഡുകൾ എടുത്തുനോക്കിയാൽ 2024 മലയാള സിനിമയെ സംബന്ധിച്ചിടത്തോളം മികച്ച വര്‍ഷമായിരുന്നു. ആവേശം, പ്രേമലു, ആടുജീവിതം, മഞ്ഞുമ്മല്‍ ബോയ്സ്, അജയന്റെ രണ്ടാം മോഷണം, സൂക്ഷ്മദര്‍ശിനി, കിഷ്‌കിന്ധാകാണ്ഡം, ഗുരുവായൂരമ്പലനടയില്‍, വാഴ, വര്‍ഷങ്ങള്‍ക്ക് ശേഷം, മാര്‍ക്കോ തുടങ്ങിയ ഒരുപറ്റം സിനിമകൾക്ക് മികച്ച കളക്ഷന്‍ ലഭിച്ചിരുന്നു. 
 
2025 ഉം മലയാള സിനിമയ്ക്ക് തരക്കേടില്ലാത്ത തുടക്കമാണ് നല്‍കിയത്. രേഖാചിത്രം ഈ വര്‍ഷത്തെ ആദ്യത്തെ ഹിറ്റായപ്പോള്‍ പൊന്‍മാനും ഓഫീസര്‍ ഓണ്‍ ഡ്യൂട്ടിയും തിയേറ്റര്‍ കളക്ഷനില്‍ മികച്ച പ്രകടനം കാഴ്ച വെച്ചു. പിന്നാലെ റിലീസ് ആയ എമ്പുരാൻ ഈ ലിസ്റ്റിൽ ഒന്നാമത് ആണ്. 300 കോടിയിലധികമാണ് സിനിമ നേടിയത്. എമ്പുരാന്‍ തിയേറ്ററില്‍ തീര്‍ത്ത ഓളം അവസാനിക്കും മുന്‍പെ തുടരും റിലീസ് ചെയ്തു. 
 
തിയേറ്ററില്‍ ഈ സിനിമയും നിറഞ്ഞോടുകയാണ്. അഞ്ച് ദിവസം കൊണ്ട് തരുൺ മൂർത്തി സംവിധാനം ചെയ്ത തുടരും നേടിയത് 100 കോടിയാണ്. ഒരു മാസത്തിനുള്ളില്‍ 100 കോടി ക്ലബില്‍ ഇടം പിടിച്ച രണ്ട് സിനിമയിലെ നായകന്‍ എന്ന റെക്കോഡും മോഹന്‍ലാല്‍ സ്വന്തമാക്കിയിരിക്കുകയാണ്. മലയാളത്തില്‍ ഏറ്റവും കൂടുതല്‍ 100 കോടി ക്ലബ് സിനിമയുള്ള താരം എന്ന റെക്കോഡും മോഹന്‍ലാലിന് തന്നെ. എമ്പുരാന്‍ (265 കോടി), പുലിമുരുകന്‍ (136 കോടി), ലൂസിഫര്‍ (129 കോടി), തുടരും (100 കോടി*) എന്നിവയാണ് മോഹന്‍ലാലിന്റെ 100 കോടി ക്ലബ് സിനിമകള്‍.
 
അതേസമയം മലയാളത്തിലെ എക്കാലത്തെയും മികച്ച ടോപ്പ് 5 ഓപ്പണിംഗ് കളക്ഷന്‍ ലഭിച്ച ചിത്രങ്ങളിലും മോഹന്‍ലാലിന് അപൂര്‍വമായ റെക്കോഡുണ്ട്. ഈ കാറ്റഗറിയിലെ ആദ്യ അഞ്ചില്‍ നാലും മോഹന്‍ലാല്‍ ചിത്രങ്ങളാണ്. ആദ്യ ദിനം തന്നെ 68.20 കോടി രൂപ കളക്ഷന്‍ നേടിയ എമ്പുരാന്‍ ആണ് ലിസ്റ്റില്‍ ഒന്നാമത്. രണ്ടാം സ്ഥാനത്ത് മോഹന്‍ലാലിന്റെ പ്രിയദര്‍ശന്‍ ചിത്രം മരക്കാര്‍ ( 20.40 കോടി ) ആണ്.

മൂന്നാം സ്ഥാനത്ത് ദുല്‍ഖര്‍ സല്‍മാന്‍ നായകനായ കുറുപ്പ് ആണ്. 19.20 കോടിയാണ് ചിത്രത്തിന്റെ ഓപ്പണിംഗ് കളക്ഷന്‍. ലിസ്റ്റിലെ ഏക മോഹന്‍ലാല്‍ ഇതര ചിത്രവും ഇത് തന്നെ. നാലാം സ്ഥാനത്ത് മോഹന്‍ലാലിന്റെ തന്നെ ഒടിയന്‍ ആണ്, 18.10 കോടി രൂപയാണ് ചിത്രം ആഗോള ബോക്സ് ഓഫീസില്‍ നിന്ന് ആദ്യ ദിനം സ്വന്തമാക്കിയത്. അഞ്ചാം സ്ഥാനത്ത് ആദ്യ ദിനം 17.18 കോടി രൂപ നേടിയാണ് തുടരും ആണ്.

അനുബന്ധ വാര്‍ത്തകള്‍

വായിക്കുക

പുലിപ്പല്ല് മാല: വനം വകുപ്പ് വേടന് ചുമത്തിയത് 7 വര്‍ഷം വരെ തടവു ലഭിക്കാവുന്ന കുറ്റം

വീണ്ടും സംവിധായകനാകാൻ ധ്യാൻ ശ്രീനിവാസൻ; നായകനാകുന്നത് സൂപ്പർസ്റ്റാർ?

Sreenath Bhasi: ലഹരി ഉപയോഗിക്കാറുണ്ട്, മുക്തി നേടാന്‍ ആഗ്രഹിക്കുന്നു; ചോദ്യം ചെയ്യലിനിടെ ശ്രീനാഥ് ഭാസി

Manju Warrier: കല്യാണത്തോടെ അവസാനിപ്പിച്ചു, മകൾക്കൊപ്പം വീണ്ടും നൃത്തം ചെയ്ത് തുടങ്ങി; ഡാൻസ് വീഡിയോയുമായി മഞ്ജു വാര്യർ

ഈ ബഹളങ്ങളൊന്നും ഇല്ലായിരുന്നെങ്കിൽ പൊട്ടേണ്ടിയിരുന്ന സിനിമ, എമ്പുരാനെ പറ്റി സൗമ്യ സരിൻ

എല്ലാം കാണുക

ഏറ്റവും പുതിയത്

ഇടിമിന്നലോടുകൂടിയ ശക്തമായ മഴ; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്

അമ്മ ചക്ക മുറിക്കുന്നതിനിടെ കുട്ടിയുടെ കാല്‍വഴുതി, കത്തിയുടെ മുകളിലേക്ക് വീണ് എട്ട് വയസുകാരന് ദാരുണാന്ത്യം

പാകിസ്ഥാന് വീണ്ടും എട്ടിന്റെ പണി കൊടുത്ത് ഇന്ത്യ; വ്യോമപാത അടച്ചു, യാത്രാ - സൈനിക വിമാനങ്ങള്‍ക്ക് പ്രവേശനമില്ല

Vedan: എന്റെ മദ്യപാനവും പുകവലിയും മോശം ഇന്‍ഫ്‌ളുവന്‍സാണെന്ന് അറിയാം, നല്ലൊരു മനുഷ്യനായി മാറാന്‍ ശ്രമിക്കാം: വേടന്‍

Rapper Vedan: മനഃപൂർവം തെറ്റ് ചെയ്തിട്ടില്ല, പുലിപ്പല്ല് കേസിൽ വേടന് ഉപാധികളോടെ ജാമ്യം

അടുത്ത ലേഖനം
Show comments