ബംഗളൂരുവിലെ ബാറിൽ തീപിടിത്തം;അഞ്ചു മരണം
ബംഗലൂരുവില്‍ ബാറില്‍ തീപിടിത്തം; 5 പേര്‍ മരിച്ചു
ബാറിലുണ്ടായ തീപിടിത്തത്തില്‍ അഞ്ച് പേര്‍ മരിച്ചു. ബംഗലൂരുവിലെ കെആര്‍ മാര്‍ക്കറ്റിലെ ബാറില്‍ ഇന്ന് പുലര്‍ച്ചെയാണ് അപകടം നടന്നത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം. ബാറിനുള്ളില്‍ ഉറങ്ങിക്കിടന്ന ജീവനക്കാരായ തുംകൂര്‍ സ്വദേശികളായ സ്വാമി(23), മഹേഷ്(35), പ്രസാദ്(20), ഹസന്‍ സ്വദേശി മഞ്ജുനാഥ്(45), മാണ്ഡ്യ സ്വദേശി കീര്‍ത്തി(24) എന്നിവരാണ് മരിച്ചത്.
റസ്‌റ്റോറന്റിലുള്ള ബാറിന്റെ പാചകപ്പുരയില്‍ നിന്ന് പുലര്‍ച്ചെ 2.30യോട് കൂടി പുകയുയരുന്നത് ചിലര്‍ കണ്ടിരുന്നു. തുടര്‍ന്ന് അവര്‍ അഗ്നിശമന സേനയെ വിവരം അറിയിച്ചു. അവരെത്തി തീ പൂര്‍ണമായും അണച്ചു. കെ ആര്‍ നഗറിലെ പച്ചക്കറി മാര്‍ക്കറ്റിന് സമീപമുള്ള കുംബാര സംഘ കെട്ടിടത്തിലെ താഴെ നിലയിലുള്ള കൈലാഷ് ബാര്‍ ആന്റ് റസ്റ്റോറന്റിലാണ് അപകടമുണ്ടായത്.
