കേരളാ മുഖ്യമന്ത്രി പിണറായി വിജയനുമായും ഡല്‍ഹി മുഖ്യമന്ത്രി അരവിന്ദ് കെജ്‌രിവാളുമായും അടുത്ത ബന്ധം പുലര്‍ത്തുന്ന വ്യക്തിയാണ് ഉലകനായകന് കമല്ഹാസന്. കമലിനെ കാണാന്‍ കെജ്‌രിവാള്‍ ചെന്നൈയില്‍ എത്തിയതു പോലെ പിണറായിയുമായി കൂടിക്കാഴ്‌ച നടത്താന്‍ കമല്‍ കേരളത്തിലും പോയിരുന്നു.
രാഷ്ട്രീയ ജിവിതത്തിന് തുടക്കം കുറിക്കുന്നതിനാണ് കമല്‍ ഇരുവരെയും കണ്ടത്. ഇതോടെ പല വാര്‍ത്തകളും സമൂഹമാധ്യമങ്ങളില്‍ പ്രചരിച്ചു. ഉലകനായകന് സി പി എമ്മുമായി അടുക്കുന്നുവെന്നും പിണറായിയാണ് അദ്ദേഹത്തിന്റെ മാതൃകാ നേതാവെന്നും തരത്തിലുള്ള പ്രചാരണങ്ങള്‍ ശക്തമായി.
അതേസമയം, ബംഗാള്‍ മുഖ്യമന്ത്രി മമതാ ബാനര്‍ജിയുടെ കടുത്ത ആരാധകനാണ് താനെന്ന് കമല്ഹാസന് വ്യക്തമാക്കി. കൊല്‍ക്കത്തയില്‍ നടക്കുന്ന 23മത് അന്താരാഷ്ട്ര ചലച്ചിത്ര മേള ഉദ്ഘാടനം ചെയ്യുവാന്‍ എത്തിയപ്പോഴാണ് അദ്ദേഹം മമതയുമായി കൂടിക്കാഴ്‌ച നടത്തിയതും താന്‍ ബഹുമാനത്തോടെ കാണുന്ന നേതാവ് ആരെന്ന് വെളിപ്പെടുത്തിയതും.
ചടങ്ങിലേക്ക് ക്ഷണിച്ചതില്‍ നന്ദിയുണ്ടെന്നും. ഈ ചലച്ചിത്ര കുടുംബത്തിന്റെ ഭാഗമാണെന്ന് പറയുന്നത് അംഗീകരിക്കാന്‍ സാധിക്കില്ലെന്നും കമല്‍ വ്യക്തമാക്കി. ചടങ്ങില്‍ കമലും മമതയും ഒരുമിച്ചു നില്‍ക്കുന്ന ചിത്രവും പുറത്തുവന്നു.