വിദേശ സഹായം നിരസിച്ചതിൽ മലയാളികളുടെ പ്രതിഷേധങ്ങൾകൊണ്ട് നിറഞ്ഞ് പ്രധാനമന്ത്രിയുടെ ഫെയ്സ്ബുക്ക് പേജ്

നൂറ്റാണ്ടിലെ ഏറ്റവും വലിയ പ്രളയത്തിൽ കഷ്ടത അനുഭവിക്കുന്ന കേരളത്തിന് വിവിധ രാഷ്ട്രങ്ങളിൽ നിന്നുമുള്ള വീദേശ സഹായങ്ങൾ നിസേധിച്ച കേന്ദ്ര സർക്കാരിന്റെ നിലപാടിൽ മലയാളികളുടെ പ്രതിശേധങ്ങൾ കൊ;ണ്ട് നിറഞ്ഞിരിക്കുകയാണ് പ്രധാനമന്ത്രി നരേന്ദ്രമോദിയുടെ ഫെയിസ്ബുക്ക് പേജ്. 

കേരളം മുഴുവൻ ഒട്ടക്കെട്ടായി പ്രളയത്തെ നേരിടുമ്പോൾ ദുരിതത്തിന് ആശ്വാസമായി നീളുന്ന സഹായങ്ങളെ തട്ടിമാറ്റുന്ന കേന്ദ്ര സർക്കാരിന്റെ നിലപാടിനെതിരെ വ്യാപക പ്രതിഷേധമാണ് ഉയർന്നിരിക്കുന്നത്. ഇതിന്റെ പ്രതിഫലനം തന്നെയാണ് പ്രധാനമന്ത്രിയുടെ ഫെയ്സ്ബുക്ക് പേജിലും കാണുന്നത്. 

പ്രളയത്തിന്റെ വ്യപ്തി പ്രധാനമന്ത്രി നേരിട്ട് വന്ന് മനസിലാക്കിയിട്ടും 2000 കോടി അടിയന്തര സഹായമായി ആവശ്യപ്പെട്ട കേരളത്തിന് 500 കോടി മാത്രമാണ് കേന്ദ്രം നൽകിയത്. ഇത് കൂടാതെ യു എ ഇ കേരലത്തിനു പ്രഖ്യാപിച്ച 700 കോടി നിരസിക്കുന്ന നിലപാട് സ്വീകരിച്ചതോടെയാണ് പ്രധാനമന്ത്രിയുടെ ഫെയ്സ്ബുക്ക് പേജിൽ മലയാളികൾ കൂടുതൽ പ്രതിശേധവുമായി എത്തിതുടങ്ങിയത്.