Select Your Language

Notifications

webdunia
webdunia
webdunia
webdunia

പുരുഷന്മാര്‍ക്കും സ്ത്രീകള്‍ക്കും പ്രിയപ്പെട്ട വ്യക്തിയാണ് രാഹുല്‍: മൻമോഹൻ സിംഗ്

രാഹുല്‍ ഗാന്ധിക്ക് മൻമോഹന്‍ സിംഗിന്റെ പിന്തുണ

പുരുഷന്മാര്‍ക്കും സ്ത്രീകള്‍ക്കും പ്രിയപ്പെട്ട വ്യക്തിയാണ് രാഹുല്‍: മൻമോഹൻ സിംഗ്
ന്യൂഡല്‍ഹി , ചൊവ്വ, 5 ഡിസം‌ബര്‍ 2017 (11:19 IST)
പാർട്ടി അധ്യക്ഷസ്ഥാനത്തേക്ക് രാഹുൽ ഗാന്ധിയെ പിന്തുണച്ച് മുൻ പ്രധാനമന്ത്രിയും കോൺഗ്രസ് നേതാവുമായ മൻമോഹൻ സിംഗ്. കോണഗ്രസ് പാര്‍ട്ടിയിലെ പുരുഷന്മാര്‍ക്കും സ്ത്രീകള്‍ക്കും ഒരുപോലെ പ്രിയപ്പെട്ട വ്യക്തിയാണ് രാഹുല്‍ ഗാന്ധിയെന്നും അദ്ദേഹം പറ‍ഞ്ഞു.
 
രാഹുലിന്റെ നേതൃത്വത്തില്‍ കോണ്‍ഗ്രസ് പാര്‍ട്ടിയുടെ പുതിയ ഒരു അദ്ധ്യായം ആരംഭിക്കുകയാണെന്നും മന്‍മോഹന്‍ അഭിപ്രായപ്പെട്ടു. കോണ്‍ഗ്രസ്സ് ദേശീയ അദ്ധ്യക്ഷ സ്ഥാനത്തേക്ക് രാഹുല്‍ഗാന്ധി ഇന്ന് നാമനിര്‍ദേശ പത്രിക സമര്‍പ്പിച്ചു. ഇന്നലെ വൈകുന്നേരം മൂന്ന് വരെയാണ് നാമനിര്‍ദേശ പത്രിക സമര്‍പ്പിക്കാനുള്ള സമയം. നാമനിര്‍ദേശ പത്രിക സമര്‍പ്പിക്കാനുള്ള സമയം അവസാനിക്കാനിരിക്കെ ഇതുവരെ മറ്റാരും നാമനിര്‍ദേശ പത്രിക സമര്‍പ്പിച്ചിട്ടില്ല.
 
രാഹുലിനെതിരെ ആരും മത്സരിക്കില്ല എന്നാണ് കരുതപ്പെടുന്നത്. കോണ്‍ഗ്രസ്സിന്റെ ഭരണഘടന അനുസരിച്ച് രാഹുല്‍ സ്വമേധയാ നാമനിര്‍ദേശ പത്രിക സമര്‍പ്പിക്കുകയും 10 പ്രാദേശിക കോണ്ഗ്രസ്സ് കമ്മിറ്റി പ്രധിനിധികളില്‍ നിന്നും മത്സരിക്കുന്നതിനുള്ള സമ്മതവും തേടിയിരിക്കണം. വെള്ളിയാഴ്ചയാണ് തെരഞ്ഞെടുപ്പ് നോട്ടിഫിക്കേഷന്‍ നല്‍കിയത്. ഈ മാസം 11 ആണ് നിര്‍ദേശ പത്രിക പിന്‍വലിക്കാനുള്ള അവസാന തീയ്യതി.

Share this Story:

Follow Webdunia malayalam

അടുത്ത ലേഖനം

പരസ്ത്രീ ബന്ധം; യുവതി ഭർത്താവിന്റെ ജനനേന്ദ്രിയത്തിൽ തിളച്ച എണ്ണ ഒഴിച്ചു