തടി അറക്കുന്ന യന്ത്രത്തിൽ തല കുടുങ്ങി വേർപെട്ടു; 65കാരന് ദാരുണാന്ത്യം

പഞ്ചാബിലെ ഫഗ്വാട്ട നഗരത്തിലെ റെയിൽവേ റോഡിലാണ് സംഭവം.

തടിമില്ലിലെ അറക്കുന്ന യന്ത്രത്തിൽ തല കുടുങ്ങി 65കാരന് ദാരുണാന്ത്യം. യന്ത്രത്തിനിടയിൽ കുടുങ്ങി തല വേർപെട്ടാണ് അപകടം ഉണ്ടായത്. പഞ്ചാബിലെ ഫഗ്വാട്ട നഗരത്തിലെ റെയിൽവേ റോഡിലാണ് സംഭവം. 

മരംമില്ലിലെ തൊഴിലാളിയായ അഭിജിത്ത് സിങാണ് മരിച്ചത്. ഇയാൾ കഴിഞ്ഞ 5 വർഷമായി ഇവിടെ ജോലി ചെയ്തു വരികയായിരുന്നു.

യന്ത്രത്തിനിടയിൽ അപ്രതീക്ഷിതമായി തല കുടുങ്ങിയതാണ് അഭിജിത്ത് സിങ് മരിക്കാൻ കാരണമെന്ന് സിറ്റി പൊലീസ് സ്റ്റേഷൻ ഇൻസ്‌പെക്ടർ വിഡയ് കാൻവർ വ്യക്തമാക്കി.