നടൻ സുഷാന്ത് സിങ് രജ്പുതിന്റെ മരണവുമായി ബന്ധപ്പെട്ട് റിയ ചക്രബർത്തിയ്ക്കെതിരെ നർക്കോട്ടിക് കൺട്രോൾ ബ്യുറോ കേസെടുത്തത് ബൊളിവുഡിലെ മയക്കുമരുന്ന് ഉപയോഗം വലിയ ചർച്ചാവിഷയമാക്കി മാറ്റിയിരുന്നു. ഇതിനു പിന്നാലെ ബോളിവുഡ് സൂപ്പർ താരങ്ങളായ രൺബീർ കപൂർ, രൺവീർ സിങ് വിക്കി കൗഷിക് എന്നിവർ രക്തപരിശോധയക്ക് തയ്യാറാവണം എന്ന ആവശ്യവുമായി രംഗത്തെത്തിയിരിയ്കുകയാണ് കങ്കണ.
പ്രധാനമന്ത്രി നരേന്ദ്ര മോദിയെ ടാഗ് ചെയ്തുകൊണ്ട് ട്വിറ്ററിലൂടെയാണ് കങ്കണ ആവശ്യം ഉന്നയിച്ചിരിയ്ക്കുന്നത്. 'രണ്‍വീര്‍ സിങ്, രണ്‍ബീര്‍ കപൂര്‍, അയാന്‍ മുഖര്‍ജി, വിക്കി കൗശല്‍ എന്നിവരോട് മയക്കുമരുന്ന് രക്തപരിശോധനയ്ക്ക് രക്ത സാംപിൾ നൽകാൻ ഞാൻ അപേക്ഷിയ്ക്കുന്നു. നിങ്ങൾ നിരന്തരം മയക്കുമരുന്ന് ഉപയോഗിയ്ക്കുന്നു എന്ന് റൂമറുകൾ ഉണ്ട്. ഈ ആരോപണങ്ങൾക്ക് താരങ്ങൾ മറുപടി നൽകണം. ഇവരുടെ രക്തത്തിൽ മയക്കുമരുന്നിന്റെ സാനിധ്യമില്ലെന്ന് തെളിഞ്ഞാൽ ലക്ഷക്കണക്കിന് യുവാക്കൾക്ക് അത് പ്രചോദനമായിരിയ്ക്കും. എന്നായിരുന്നു കങ്കണയുടെ ട്വീറ്റ്.
