ബോളിവുഡിലെ താര സുന്ദരിയാണ് കരീന കപൂർ. റഫ്യൂജി എന്ന സിനിമയിലൂടെ ബോളിവുഡ് സിനിമയിലേക്ക് അരങ്ങേറ്റം കുറിച്ച കരീന പിന്നീട് താരറാണിയായി മാറി. ഇടക്ക് സീനിമയിൽനിന്നും ഒന്ന് മാറിനിന്നു താരം വീണ്ടും തിരികെ എത്തി. ബോളിവുഡിൽ നിരവധി സിനിമകളുമായി തിളങ്ങിനിന്ന സമയത്ത് ഗോസിപ്പ് കോളങ്ങളുടെ പ്രധാന ശ്രദ്ധ കരീനയിലേക്കായിരുന്നു.
മുൻപ് ഒരു അഭീമുഖത്തിൽ താൻ ഡേറ്റ് ചെയ്യാൻ ആഗ്രഹിക്കുന്ന ആളുകളെ കുറിച്ച് താരം തുറന്നുപറച്ചിൽ നടത്തിയിരുന്നു. രാഹുൽ ഗാന്ധിയുമായി ഡെറ്റിംഗ് നടത്താൻ താൻ ആഗ്രഹിക്കുന്നു എന്ന കരീനയുടെ വെളിപ്പെടുത്തൽ അന്ന് വലിയ ചർച്ചാ വിഷയമായി മാറുകയും ചെയ്തു.
2002ലായിരുന്നു കരീനയുടെ തുറന്നുപറച്ചിൽ. എന്നാൽ താരത്തിന്റെ ആ വെളിപ്പെടുത്തൽ ഇപ്പോഴും സോഷ്യൽ മീഡിയയിൽ ചുറ്റിത്തിരിയുകയാണ്. രാഹുൽ ഗാന്ധി 49ആം പിറന്നാൾ ആഘോഷിക്കുമ്പോൾ സോഷ്യൽ മീഡിയ കരീനയുടെ അന്നത്തെ വെളിപ്പെടുത്തൽ വീണ്ടും ട്രെൻഡിംഗിലെത്തിക്കുകയാണ്\. നിരവധി പേരാണ് രാഹുൽ ഗാന്ധിക്ക് ആശംസകൾ അറിയിച്ച് രംഗത്തെത്തിയിരിക്കുന്നത്.
