ദക്ഷിണേന്ത്യയിൽ സിനിമ പോസ്റ്ററുകളിൽ പോലും സ്ത്രീകൾക്ക് പ്രാധാന്യമില്ലെന്ന് ജ്യോതിക, വാദം പൊളിച്ച് നെറ്റിസൺസ്

തെന്നിന്ത്യന്‍ സിനിമകളിലെ മുന്‍നിര നായികമാരില്‍ ഒരാളാണ് ജ്യോതിക. വിവാഹശേഷം അഭിനയത്തില്‍ നിന്നും ഇടവേളയെടുത്തിരുന്നെങ്കിലും ഇന്ന് ദക്ഷിണേന്ത്യന്‍ സിനിമകളിലും ബോളിവുഡിലും താരം സജീവമാണ്. ഇപ്പോഴിതാ തെന്നിന്ത്യന്‍ സിനിമകളെ പറ്റി ജ്യോതിക പണ്ട് പറഞ്ഞ വാക്കുകളാണ് സമൂഹമാധ്യമങ്ങളില്‍ ചര്‍ച്ചയാകുന്നത്.

 ദക്ഷിണേന്ത്യയിലെ മിക്ക മുന്‍നിര നടന്മാര്‍ക്കൊപ്പവും ഞാന്‍ അഭിനയിച്ചിട്ടുണ്ട്. അവിടെ പക്ഷേ സ്ത്രീകള്‍ക്ക് വലിയ പ്രധാന്യം ലഭിക്കുന്നില്ല. പോസ്റ്ററുകളില്‍ പോലും. അജയ് ദേവ്ഗണ്‍, മമ്മൂട്ടി പോലുള്ളവര്‍ സ്ത്രീകള്‍ക്ക് പ്രാധാന്യം നല്‍കുന്നു. എന്നാണ് ജ്യോതികയുടെ വാക്കുകള്‍. ഒരു വര്‍ഷം മുന്‍പ് പറഞ്ഞതാണെങ്കിലും ഇപ്പോഴാണ് ഈ വാക്കുകള്‍ ചര്‍ച്ചയാകുന്നത്.