മമ്മൂട്ടിയുടെ 'പുഴു' കണ്ടവര്‍ സിനിമയിലെ കിച്ചു കഥാപാത്രത്തെ അവതരിപ്പിച്ച കുട്ടി വസുദേവ് സജീഷിനെ മറന്നുകാണില്ല. സിനിമയുടെ വിജയത്തിന് പിന്നാലെ പുതിയ സിനിമ തിരക്കുകളിലേക്ക് കുട്ടിതാരം. രഞ്ജിത്തിന്റെ പുതിയ ചിത്രത്തില്‍ താനും അഭിനയിക്കുന്നുണ്ടെന്ന് വസുദേവ്.
എം.ടി.വാസുദേവന്‍ നായരുടെ തിരക്കഥയില്‍ രഞ്ജിത്ത് സംവിധാനം ചെയ്യുന്ന ചിത്രത്തില്‍ മമ്മൂട്ടിയാണ് പ്രധാന കഥാപാത്രത്തെ അവതരിപ്പിക്കുന്നത്.വസുദേവ് ഈ ചിത്രത്തില്‍ ആകും അഭിനയിക്കുന്നത്.
ഭാസ്‌കര്‍ ദ റാസ്‌കല്‍ കണ്ടപ്പോള്‍ അവന്റെ ഉള്ളില്‍ ഒരു ആഗ്രഹം ഉണ്ടായിരുന്നു,മമ്മൂക്കയുടെ കൂടെ ഒന്ന് അഭിനയിക്കണം. അത് പുഴു എന്ന ചിത്രത്തിലൂടെ സാധ്യമായി. ഇപ്പോഴിതാ വീണ്ടും മമ്മൂട്ടിയുടെ കൂടെ അഭിനയിക്കാന്‍ അവസരം ലഭിച്ചിരിക്കുകയാണ് വസുദേവിന്.
എബി എന്ന ചിത്രത്തില്‍ വിനീത് ശ്രീനിവാസന്റെ ബാല്യകാലം അവതരിപ്പിച്ചതും വാസുദേവ് ആയിരുന്നു.
വിജയ് സൂപ്പറും പൗര്‍ണമിയും, ഗൗതമന്റെ രഥം, സുല്ല്, കള്ളനോട്ടം, മാലിക് തുടങ്ങിയ ചിത്രങ്ങള്‍ കുട്ടി താരത്തെ തേടിയെത്തി.
സുല്ല്, കള്ളനോട്ടം എന്നീ ചിത്രങ്ങളിലെ അഭിനയത്തിന് മികച്ച ബാലതാരത്തിനുള്ള സംസ്ഥാന അവാര്‍ഡും ലഭിച്ചു.
ഗോള്‍ഡ് കോയിന്‍സ് എന്ന സിനിമയിലൂടെയാണ് വസുദേവ് തുടങ്ങിയത്
