Publish Date: Sat, 03 Sep 2022 (09:06 IST)
Updated Date: Sat, 03 Sep 2022 (09:10 IST)
റോഷാക്ക് പുതിയ പോസ്റ്ററും എത്തി. റിലീസ് ഉടന് തന്നെ ഉണ്ടാകും എന്നും തവണ നിര്മ്മാതാക്കള് അറിയിച്ചിരിക്കുകയാണ്. ഓണത്തിന് റിലീസ് പ്രഖ്യാപിക്കാനുള്ള സാധ്യത കുറവാണെങ്കിലും ഈ മാസം തന്നെ സിനിമ പ്രദര്ശനത്തിനെത്തും എന്നാണ് പ്രതീക്ഷിക്കുന്നത്. ഇത് സംബന്ധിച്ച അപ്ഡേറ്റ് ഉടന്തന്നെ നിര്മ്മാതാക്കള് പുറത്തുവിടും.
നിസ്സാം ബഷീര് സംവിധാനം ചെയ്യുന്ന ചിത്രത്തില് ഷറഫുദ്ദീന്, കോട്ടയം നസീര്, ജഗദീഷ്, സഞ്ജു ശിവറാം, ഗ്രേസ് ആന്റണി, ബിന്ദു പണിക്കര്, ബാബു അന്നൂര്, അനീഷ് ഷൊര്ണൂര്, റിയാസ് നര്മ്മകല, ജോര്ഡി പൂഞ്ഞാര് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
മമ്മൂട്ടിയും നിസാം ബഷീറും ആദ്യമായി ഒന്നിക്കുന്ന ഈ ത്രില്ലര് ചിത്രത്തിന് തിരക്കഥ ഒരുക്കുന്നത് അഡ്വഞ്ചഴ്സ് ഓഫ് ഓമനക്കുട്ടന്, ഇബിലീസ്' തുടങ്ങിയ ചിത്രങ്ങളുടെ തിരക്കഥാകൃത്തായ സമീര് അബ്ദുള് ആണ്.
നിമീഷ് രവിയാണ് ചിത്രത്തിന്റെ ഛായാഗ്രഹണം. ഗരുഡ ഗമന വൃഷഭ വാഹന എന്ന കന്നഡത്തിലെ സൂപ്പര്ഹിറ്റ് ചിത്രത്തിലൂടെ ശ്രദ്ധേയനായ മിഥുന് മുകുന്ദന് ആണ് സംഗീതം നിര്വഹിക്കുന്നത്. എന്.എം ബാദുഷയാണ് ചിത്രത്തിന്റെ സഹനിര്മാതാവ്.
