രാജ് കുന്ദ്രയുടെ അറസ്റ്റിന് ശേഷം സോഷ്യൽ മീഡിയയിൽ ആദ്യപ്രതികരണവുമായി നടി ശിൽപ ഷെട്ടി. ഈ സമയത്തെയും അതിജീവിക്കുമെന്നുള്ള സൂചന നൽകികൊണ്ടുള്ള വരികളാണ് താരംകുറിച്ചത്.ഇന്‍സ്റ്റഗ്രാം സ്റ്റാറ്റസിലൂടെയായിരുന്നു നടിയുടെ പ്രതികരണം.
അമേരിക്കന്‍ എഴുത്തുകാരനായ ജെയിംസ് തര്‍ബറിന്റെ പുസ്തകത്തിലെ ഒരു പേജിന്റെ സ്‌ക്രീന്‍ഷോട്ട് ആണ് നടി പങ്കുവെച്ചത്. ജീവിച്ചിരിക്കുന്നത് തന്നെ ഭാഗ്യം. ആ ബോധ്യത്തിലാണ് ഓരോ ശ്വാസവുമെടുക്കുന്നത്. ഇതുവരെയുണ്ടായ വെല്ലുവിളികളെയും പ്രതിസന്ധികളെയുമൊക്കെ ഞാന്‍ അതിജീവിച്ചിട്ടുണ്ട്. ഇനിയുണ്ടാകുന്ന പ്രതിസന്ധികളെയും അതീജിവിക്കും. എന്റെ ജീവിതം ജീവിക്കുന്നതിൽ നിന്നും ഒന്നിനും എന്നെ വ്യതിചലിക്കാനാകില്ല എന്നതാണ് പുസ്തകത്തിലെ വാചകങ്ങൾ.
ഇപ്പോൾ തന്റെ ജീവിതത്തിൽ നടന്നുകൊണ്ടിരിക്കുന്ന പ്രശ്‌നങ്ങളെ ബന്ധപ്പെടുത്തിയാണ് നടിയുടെ ഈ കുറിപ്പെന്നാണ് ആരാധകർ അഭിപ്രായപ്പെടുന്നത്. അശ്ലീല വിഡിയോ നിര്‍മാണവുമായി ബന്ധപ്പെട്ട് കഴിഞ്ഞ ദിവസമാണ് വ്യവസായിയും ഭർത്താവുമായ രാജ് കുന്ദ്രയെയും മുംബൈ പോലീസ് അറസ്റ്റ് ചെയ്‌തത്.
