ഇന്ത്യന്‍ ക്രിക്കറ്റ് താരം ഹാര്‍ദ്ദിക് പാണ്ഡ്യയുമായി ഇടക്കാലത്ത് ബന്ധമുണ്ടായിരുന്നുവെന്ന് വെളിപ്പെടുത്തി ബോളിവുഡ് താരം ഇഷ ഗുപ്ത. കുറച്ച് കാലമായി പരസ്പരം സ്ഥിരമായി സംസാരിച്ചിരുന്നുവെന്നും ഇഷ ഗുപ്ത വെളിപ്പെടുത്തി. എന്നാല്‍ അതൊരിക്കലും ഗൗരവകരമായ ബന്ധത്തിലേക്ക് വളര്‍ന്നില്ലെന്നും അതിന് മുന്‍പ് തന്നെ എല്ലാം അവസാനിച്ചെന്നും നടി വ്യക്തമാക്കി. സിദ്ധാര്‍ഥ് കണ്ണനുമായുള്ള അഭിമുഖത്തിലാണ് ഇഷ ഗുപ്ത മനസ് തുറന്നത്.
അത് സത്യമായ കാര്യമാണ്. കുറച്ച് കാലം ഞങ്ങള്‍ പരസ്പരം അടുപ്പത്തിലായിരുന്നു. എന്നാല്‍ ഡേറ്റിംഗ് എന്ന് പറയാവുന്ന തലത്തിലേക്ക് ആ ബന്ധം എത്തിയില്ല. ഏതാനും മാസങ്ങള്‍ സ്ഥിരമായി പരസ്പരം സംസാരിച്ചിരുന്നു. ചിലപ്പോള്‍ മുന്നോട്ട് പോകാം അല്ലെങ്കില്‍ അവസാനിക്കാം എന്ന തരത്തിലായിരുന്നു. ഡേറ്റിംഗ് ഘട്ടത്തിലൊക്കെ എത്തുന്നതിന് മുന്‍പ് അത് അവസാനിച്ചു. ഒന്നോ രണ്ടോ തവണ പരസ്പരം കണ്ടിരുന്നു. അത്രയെ ഉള്ളു. ഏതാനും മാസങ്ങള്‍ മാത്രം നീണ്ട ഒരു അടുപ്പം. എന്നാല്‍ പരസ്പരം ഇഷ്ടത്തിലാകാന്‍ എല്ലാ സാധ്യതയും ഉണ്ടായിരുന്നു. എന്നാല്‍ സംഭവിച്ചത് മറിച്ചാണ്. ഇഷ ഗുപ്ത പറഞ്ഞു. 2019ലെ കോഫി വിത് കരണ്‍ എന്ന പരിപാടിയുമായി ഉണ്ടായ വിവാദങ്ങള്‍ തന്നെ ബാധിച്ചില്ലെന്നും അതിന് മുന്‍പ് തന്നെ പാണ്ഡ്യയുമായുള്ള ബന്ധം അവസാനിച്ചിരുന്നുവെന്നും ഇഷ വെളിപ്പെടുത്തി.
