ലോക ടെസ്റ്റ് ചാമ്പ്യൻഷിപ്പ് ഫൈനലിന് പിന്നാലെ ഇംഗ്ലണ്ടുമായുള്ള അഞ്ച് ടെസ്റ്റ് മത്സരങ്ങളടങ്ങിയ പരമ്പരയ്‌ക്കായി തയ്യാറെടുക്കുകയാണ് ഇന്ത്യൻ സംഘം. ഇംഗ്ലണ്ടിലെ വേഗവും ബൗൺസുമുള്ള പിച്ചിൽ ഇന്ത്യൻ വിജയം ബുദ്ധിമുട്ടായിരിക്കുമെന്ന് വിലയിരുത്തപ്പെടുമ്പോൾ പിച്ചിൽ പന്ത് ടേൺ ചെയ്യുകയാണെങ്കിൽ ഇന്ത്യ ഇംഗ്ലണ്ടിനെ 5-0ന് പരാജയപ്പെടുത്തിയാലും അത്ഭുതമില്ലെന്ന് തുറന്ന് പറഞ്ഞിരിക്കുകയാണ് മുൻ ഇംഗ്ലണ്ട് സ്പിൻ താരമായിരുന്ന മോണ്ടി പനേസർ.
പിച്ചിന്റെ ആനുകൂല്യം ലഭിച്ചാല്‍ ഇംഗ്ലണ്ടിന്റെ ബലഹീനതയെ ഇന്ത്യന്‍ സ്പിന്നര്‍മാര്‍ മുതലാക്കുമെന്നാണ് പനേസർ പറയുന്നത്. രവീന്ദ്ര ജഡേജ,ആര്‍ അശ്വിന്‍ എന്നീ മികച്ച സ്പിന്നര്‍മാരാണ് ഇന്ത്യക്കൊപ്പമുണ്ട്.അക്ഷര്‍ പട്ടേല്‍,വാഷിങ്ടണ്‍ സുന്ദര്‍ എന്നീ സ്പിന്‍ ഓള്‍റൗണ്ടര്‍മാർ കൂടി ചേരുമ്പോൾ ഇന്ത്യ അപകടകാരികളാകും.പന്ത് ടേണ്‍ ചെയ്താല്‍ ഇംഗ്ലണ്ട് ബാറ്റ്‌സ്മാന്‍മാര്‍ ഇന്ത്യയിൽ നടന്നത് പോലെ പാട്പെടും.ഇംഗ്ലണ്ട് താരങ്ങളുടെ ദൗര്‍ബല്യം മുതലാക്കാന്‍ കെല്‍പ്പുള്ള ബൗളര്‍മാരാണ് ഇന്ത്യക്കൊപ്പമുള്ളതെന്നും പനേസർ പറഞ്ഞു.
