രണ്‍ബീര്‍ കപൂര്‍ നായകനായി എത്തിയ അനിമല്‍ പത്താം ദിവസവും ബോക്‌സ് ഓഫീസില്‍ കുതിപ്പ് തുടരുകയാണ്. ഡിസംബര് ഒന്നിന് പ്രദര്‍ശനത്തിന് എത്തിയ ചിത്രം സന്ദീപ് റെഡ്ഡി വംഗയാണ് സംവിധാനം ചെയ്തത്. ഇന്ത്യയില്‍ നിന്നും ഇതുവരെ നേടിയ കളക്ഷന്റെ വിവരങ്ങളാണ് പുറത്തുവന്നിരിക്കുന്നത്.
റിലീസ് ചെയ്ത് രണ്ട് ഞായറാഴ്ചകള്‍ പിന്നിട്ടപ്പോള്‍ ഇന്ത്യന്‍ കളക്ഷന്‍ 430.39 കോടി കടന്നു.ആദ്യവാരത്തില്‍ 337.58 കോടിയാണ് സിനിമ വാരിക്കൂട്ടിയത്. ഒമ്പതാമത്തെ ദിവസം മാത്രം 34.74 കോടി സ്വന്തമാക്കിയ സിനിമയുടെ ഹിന്ദി പതിപ്പാണ് കൂടുതല്‍ നേട്ടം ഉണ്ടാക്കിയത്. 32.74 കോടി ഹിന്ദി പതിപ്പ് നേടി. രണ്ടാമത്തെ ഞായറാഴ്ച 35.02 കോടിയാണ് അനിമല്‍ സ്വന്തമാക്കിയത്.
രണ്‍ബീര്‍ കപൂര്‍, രശ്മിക മന്ദാന, ബോബി ഡിയോള്‍, അനില്‍ കപൂര്‍,ത്രിപ്തി ദിമ്രി, ശക്തി കപൂര്‍, പ്രേം ചോപ്ര എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ആദ്യദിനത്തില്‍ മാത്രം 116 കോടിയാണ് ആഗോള ബോക്‌സ് ഓഫീസില്‍ നിന്ന് അനിമല്‍ നേടിയത്. നായകനായി അഭിനയിച്ച രണ്‍ബീര്‍ കപൂറിന് 70 കോടിയാണ് പ്രതിഫലമായി ലഭിച്ചത്.രശ്മിക മന്ദാനയ്ക്ക് ഏഴ് കോടിയും ലഭിച്ചു. രണ്‍ബീറിന്റെ പിതാവായി അഭിനയിച്ച അനില്‍ കപൂറിന് രണ്ട് കോടിയും വില്ലന്‍ വേഷത്തിലെത്തിയ ബോബി ഡിയോളിന് 4 കോടിയുമാണ് ലഭിച്ചത്.
