ഇൻസ്റ്റഗ്രാമിൽ ഏറ്റവുമധികം ഫോളോവേഴ്‌സുള്ള ഇന്ത്യൻ ഗായകരിൽ ഒന്നാമതെത്തി ബോളിവുഡ് ഗായിക നേഹ കക്കർ. 6 കോടിയിലധികം ആളുകളാണ് ഇൻസ്റ്റയിൽ നേഹ കക്കറിനെ ഫോളോ ചെയ്യുന്നത്.
ഈ നേട്ടത്തിനെ പറ്റി പറയാൻ തനിക്ക് വാക്കുകളില്ലെന്നും ഓരോരുത്തരും നൽകുന്ന സ്നേഹത്തിനു പകരം വയ്ക്കാൻ മറ്റൊന്നുമില്ലെന്നും തന്റെ ഈ നേട്ടത്തിന് പിന്നിൽ ആരാധകരാണെന്നും സന്തോഷം പങ്കുവച്ചുകൊണ്ട് നേഹ പറഞ്ഞു. ഗർമി, ഓ സാഖി സാഖി, കാലാ ചശ്‌മ എന്നിങ്ങനെ നിരവധി ഹിറ്റ് ഗാനങ്ങളിലൂടെ ശ്രദ്ധിക്കപ്പെട്ട ഗായികയാണ് നേഹ. ഇന്ന് ഇന്ത്യയിൽ ഏറ്റവുമധികം പ്രതിഫലം പറ്റുന്ന ഗായകരിൽ ഒരാളാണ് നേഹ കക്കർ.
