പെരിയ ഇരട്ടക്കൊലപാതകം: അറസ്റ്റ് ചെയ്ത സി പി എം നേതാക്കൾക്ക് ഉപാധികളോടെ ജാമ്യം

ചൊവ്വ, 14 മെയ് 2019 (20:26 IST)
പെരിയയിൽ യൂത്ത് കോൺഗ്രസ് പ്രവർത്തകരായ കൃപേഷും ശരത്‌ലാലും കൊല്ലപ്പെട്ട കേസിൽ അറസ്റ്റിലായ സി പി എം പ്രാദേശിക നേതാക്കളെ കോടതി ജാമ്യത്തി;ൽവിട്ടു. ഉദുമ ഏരിയ സെക്രട്ടറി കെ മണികണ്ഠനും. പെരിയ ലോക്കൽ കമ്മറ്റി സെക്രാട്ടറി എം ബലകൃഷ്ണനുമാണ് കോടതി ഉപാധികളോടെ ജാമ്യം അനുവദിച്ചത്. .
 
25,000 രൂപക്കും രണ്ട് ആൾ ജാമ്യത്തിലുമാണ് ഇരുവരെയും വിട്ടയച്ചിരിക്കുന്നത്. ഏത് സമയത്തും അന്വേഷണസംഘത്തിന് മുന്നിൽ ഹാജരാകണമെന്നും കോടതി നിർദേശം നൽകിയിട്ടുണ്ട്. മണികണ്ഠനും, ബലകൃഷ്ണനും കൊലപാതകത്തിൽ നേരിട്ട് പങ്കില്ല. പ്രതികളെ രക്ഷപ്പെടുന്ന,തിനും തെളിവുകൾ നശിപ്പിക്കുന്നതിനും സഹായിച്ചു എന്നാണ്  ഇരുവർക്കുമെതിരെയുള്ള കേസ്. 
 
ഐ പി സി 201, 212 വകുപ്പുകളാണ് ഇരുവർക്കും മേൽ ചുമത്തിയിരിക്കുന്നത്. ക്രൈം,ബ്രാഞ്ച് ഓഫീസിലേക്ക് വിളിച്ചുവരുത്തിയ ശേഷമാണ് ഇരുവരുടെയും അറസ്റ്റ് രേഖപ്പെടുത്തിയത്. കഴിഞ്ഞ ഫെബ്രുവരി 17നായിരുന്നു യൂത്ത് കോൺഗ്രസ്  പ്രവർത്തകരായ കൃപേഷും ശരത്‌ലാലും, കൊലചെയ്യപ്പെട്ടത്.    

വെബ്ദുനിയ വായിക്കുക

അടുത്ത ലേഖനം കാനറ ബാങ്കിന്റെ ജപ്‌തി ഭീഷണി; അമ്മയും മകളും തീകൊളുത്തി മരിച്ചു - ആത്മഹത്യയ്‌ക്ക് പ്രേരിപ്പിച്ചത് ബാങ്കില്‍ നിന്ന് വന്ന ഫോണ്‍ കോള്‍